Statistical Institute of Belize

Dat Statistical Institute of Belize (SIB, Statistisch Institut von Belize) is dat Statistische Amt von’n Staat Belize. Dat SIB steiht ünner dat Ministerium för weertschopliche Entwicklung. Dat Leid över dat Amt hett en Generaaldirekter (Director-General).

Sien Seet hett dat Institut in de Straat 1902 Constitution Drive 2nd in Belmopan. Dat gifft aver ok Büros in Corozal, Orange Walk, Belize City un Punta Gorda.

Historie

Dat Institut hett sik an’n 1. April 2007 ut dat Central Statistical Office of Belize billt.

Zensus

Kiek ok bi: Zensus in Belize.

Den eersten Zensus op dat Rebeed von Belize hett dat 1790 geven un den tweten in’n Dezember 1816. Dorbi sünd Fre’e un Slaven tellt worrn. 1820 sünd noch wedder de Slaven tellt worrn. Na düsse Tied sünd de Inwahners bet 1835 all dree Johr tellt worrn. Von 1835 bet 1861 hett dat gorkeen Zensus geven. Von 1861 af an hett dat Land in Afstänn von teihn bet 15 Johr nee tellt. Sied 1960 maakt Belize all teihn Johr en Zensus. De eenzige Utnahm weer 1991, as de Zensus een Johr to laat weer.

Weblenken

• Websteed von dat Institut (engelsch)