En Zensus in Belize warrt all teihn Johr afhollen. Dat Land Belize tellt bi düssen Zensus de Inwahners un nimmt dorbi ok en ganze Reeg sozioökonomische Kenntallen op. Dörföhrt warrt de Zensus von dat Statistical Institute of Belize (bet 2007 Central Statistical Office of Belize).

De aktuellsten Tallen sünd von’n Zensus in dat Johr 2010. De nächste Zensus weer för 2020 plaant, is aver von wegen de Corona-Pandemie op Mai/Juni 2022 schaven worrn.

Historie ännern

Bevör dat Land Belize 1981 unafhängig worrn is, weer dat von dat 17. Johrhunnert bet 1862 de brietsche Siedlung in de Bucht von Honduras un von 1862 bet 1981 de brietsche Kolonie Brietsch-Honduras.

De eerste Zensus op dat Rebeed weer an’n 22. September 1790.[1] Dorbi sünd 2493 Lüüd in dat brietsche Rebeed tellt worrn. Dorvon weren 230 fre’e Witte, 340 fre’e Nich-Witte un 1923 Slaven.[1]

De twete Zensus weer denn in’n Dezember 1816.[1] Dorbi sünd 3824 Lüüd tellt worrn, von de 149 Witte weren, 371 fre’e Swarte, 562 Klöörte un 2742 Slaven.[1]

An’n 31. Dezember 1820 hett dat en Zensus geven, in den blots de Slaven tellt worrn sünd.[1] Dat weren to düsse Tied 2563 Lüüd.[1]

Von 1823 bet 1835 is denn all dree Johr en Zensus afhollen worrn.[1] 1834 hett Grootbritannien mit dat Slavery Abolition Act de Slaveree afschafft.[1] Bet to düsse Tied harr de Zensus vör allen en Fokus op Belize-Stadt un dat Ümland (wat vondaag de Distrikt Belize is).[1] De Noorden, Westen un Süden von dat Land, in de ok blots en lüttje Tall Minschen leven dee, weren to aflegen un sünd in de Zensustallen nich mit ingahn.[1] Von 1835 bet 1861 hett dat denn gorkeen Zensus mehr geven.[1] In dat Johr 1861 hett dat wedder en Zensus geven, in den nu dat eerste Maal ok de Noorden, Westen un Süden mit ingahn sünd.[1]

[1] Fre’e Slaven Truppen tohoop
Johr Manns­lüüd Froons­lüüd tohoop Manns­lüüd Froons­lüüd tohoop Manns­lüüd Froons­lüüd tohoop
1823 841 798 1.639 1.654 814 2.468 2.495 1.612 4.107
1826 1.896 891 2.787 1.606 804 2.410 456 3.958 1.695 5.653
1829 937 919 1.856 1.347 680 2.027 352 2.636 1.599 4.235
1832 1.467 1.036 2.503 1.132 651 1.783 251 2.850 1.687 4.537
1835 654 705 1.359 768 416 1.184 1.422 1.121 2.543

Von 1861 bet 1931 hett dat denn all teihn Johr en Zensus geven.[1] 1911 hett dat ok dat eerste Maal en Zensus över de Gebüüd von Brietsch-Honduras geven.[1] Na’n Zensus in’n April 1931 hett de Kolonie in’n November 1931 Order geven, dat de Beamten de Arbeid bi’t Utweerten von’n Zensus ophollen schullen.[1] Dat weer en Naklapp von’n Belize-Hurrikan, de de Kolonie an’n 10. September 1931 drapen harr un bi den üm un bi 2500 Lüüd doodbleven sünd.[1] De Zensus, de 1941 ween schull, is dör’n Tweten Weltkrieg utfullen. Düsse Zensus is dorüm fiev Johr later, 1946, maakt worrn.[1] Na 1946 hett dat denn nochmaal 14 Johr duurt bet to’n nächsten Zensus 1960.[1] Von 1960 bet in de Nutied hett dat denn aver all teihn Johr en Zensus geven.[1] Utnahm weer blots 1991, as de Zensus een Johr laat weer.

1970 sünd dat eerste Maal ok detailleertere Tallen to de weertschopliche Laag un Armood affraagt worrn.[1] Bi’n Zensus von’n 14. April bet 12. Mai 1980 sünd noch wedder ne’e Themenfeller so as Bildung, Spraak un Nawuss tokamen.[1] 1991 hett de Zensus an’n 12. Mai anfungen.[1]

Johr Manns­lüüd Froons­lüüd Tohoop Towass
1816 3.824
1823 2.495 1.612 4.107 7,4
1826 3.958 1.695 5.653 37,6
1829 2.636 1.599 4.235 -25,1
1832 2.850 1.687 4.537 7,1
1835 1.422 1.121 2.543 -43,9
1861 13.789 11.846 25.635 908,1
1871 12.603 12.107 24.710 -3,6
1881 14.108 13.344 27.452 11,1
1891 16.268 15.203 31.471 14,6
1901 19.140 18.339 37.479 19,1
1911 20.374 20.084 40.458 7,9
1921 22.564 22.753 45.317 12,0
1931 25.524 25.823 51.347 13,3
1946 28722 30498 59220 15,3
1960 44.659 45.846 90.505 52,8
1970 60.091 59.843 119.934 32,5
1980 73.617 71.736 145.353 21,2
1991 96.325 93.068 189.393 30,3
2000 125.065 123.851 248.916 31,4
2010 161.220 161.221 322.441 29,5

Footnoten ännern

  1. a b c d e f g h i j k l m n o p q r s t u v w A Historical Recollection - Belize Population Censuses 1816-2010, Statistical Institute of Belize

Weblenken ännern