Kieren

De Kieren (Sternidae), ok Kierits, Krietsteerns, Kweetjes un Kwittjes, Steerenks un Steerms sünd en Familie mank de Tüütvagels (Charadriiformes). Se laat en beten na Möwen, un weert vundeswegen vun en Reeg vun Schrievers ok mank de Möwen (Laridae) insorteert. Man amenne sünd se lüttjer, smaller un wat steviger. Anners, as de Möwen sünd de Kieren echte Treckvagels. Over Winter hoolt se sik in de Tropen up, oder ok, as de Steern, ganz in de Antarktis. Weltwiet gifft dat 12 Geslechter un 45 Aarden vun Kieren.

Kieren; Kwittjes; Krietsteerns
Steerns (Sterna paradisaea)
Systematik
Ünnerstamm: Warveldeerten (Vertebrata) Klass: Vagels (Aves) Ornen: Tüütvagels (Charadriiformes) Familie: Kieren
Wetenschoplich Naam
Sternidae
Bonaparte, 1838

Kennteken

Kieren sünd mit 24 bit 40 cm Längde lüttjer, as Möwen. Se sünd slanker un hefft smalle Flunken. De Steert wiest en düüdliche Gavel. De Snavel is spitz un wiest bi dat Flegen faken na nedden. De Feddern sünd normolerwiese witt bit grau. Allerhand Aarden dreegt en swatte Huben.

Wo se leven doot

De meisten Aarden mank de Kieren leevt an de Waterkant an’e See, man en poor Aarden sünd ok tohuse an Waters in dat Binnenland. To’n Overwintern in’n Süden sünd se lange Strecken unnerwegens.

Wie se leven doot

Kieren boot ehre Nester up’e Eer oder up Felsen. Faken bröödt se in Kolonien. De Nester liggt meist bannig dicht bi’nanner. Dat kann angahn, dat sik dat dor bloß um eenfacke, naakte Kuhlen bi hannelt. Kieren ut dat Binnenland boot flacke Nester ok up Swemmplanten in’n Sump.

Dat is man roor, datt Kieren swemmen doot. Wenn se Freten söökt, rüddelt se in’e Luft un stört´ denn hendaal, wenn se na Fische dükern wüllt.

Steern (Sterna paradisaea) in’e Luft

Geslechter un Aarden

• Noddikieren (Anous)
  • Wittkappnoddi (Anous minutus)
  • Noddi (Anous stolidus)
  • Slanksnavelnoddi (Anous tenuirostris)
• Sumpkieren (Chlidonias)
  • Swattsteernkier (Chlidonias albostriatus)
  • Wittboortkier (Chlidonias hybridus)
  • Wittflunkenkier (Chlidonias leucopterus)
  • Swatte Kier (Chlidonias niger)
• Feenkieren (Gygis)
  • Feenkier (Gygis alba)
  • Elbenkier (Gygis microrhyncha)
• Hydroprogne
  • Roofkier (Hydroprogne caspia)
• Larosterna
  • Inkakier (Larosterna inca)
• Onychoprion
  • Aleutenkier (Onychoprion aleuticus)
  • Tögelkier (Onychoprion anaethetus)
  • Sottkier (Onychoprion fuscatus)
  • Brillenkier (Onychoprion lunatus)

Grootsnavelkier

• Phaetusa
  • Grootsnavelkier (Phaetusa simplex)
• Procelsterna
  • Graunoddi (Procelsterna albivitta)
  • Blaunoddi (Procelsterna cerulea)
• Steerns
  • Swattbuuksteern (Sterna acuticauda)
  • Hindusteern (Sterna aurantia)
  • Damarasteern (Sterna balaenarum)
  • Rosensteern (Sterna dougallii)
  • Forstersteern (Sterna forsteri)
  • Falklandsteern (Sterna hirundinacea)
  • Fischdeef (Sterna hirundo)
  • Perusteern (Sterna lorata)
  • Australsteern (Sterna nereis)
  • Nilsteern (Sterna nilotica)
  • Steern (Sterna paradisaea)
  • Wittbackensteern (Sterna repressa)
  • Orientsteern (Sterna saundersi)
  • Tarasteern (Sterna striata)
  • Sumatrasteern (Sterna sumatrana)
  • Trudeausteern (Sterna trudeaui)
  • Kerguelensteern (Sterna virgata)
  • Antipodensteern (Sterna vittata)

Amazonaskier

• Kwitten
  • Kwittje (Sternula albifrons)
  • Amerikaansch Kwittje (Sternula antillarum)
  • Amazonaskwittje (Sternula superciliaris)
• Krietsteerns
  • Amerikaanschen Krietsteern (Thalasseus acuflavides)
  • Rüppellkrietsteern (Thalasseus bengalensis)
  • Ielkrietsteern (Thalasseus bergii)
  • Bernsteinkrietsteern (Thalasseus bernsteini)
  • Smuckkrietsteern (Thalasseus elegans)
  • Königskrietsteern (Thalasseus maxima)
  • Krietsteern (Thalasseus sandvicensis)

Weblenken

Kieren. Mehr Biller, Videos oder Audiodateien to’t Thema gifft dat bi Wikimedia Commons.

Kiek ok bi

• List vun Vagels, List mit plattdüütsche Vagelnaams to'n Lesen un Mitmaken.