Götzdörp

Inwahners:

Wapen/Flagg

Koort

Basisdaten

Bundsland: Neddersassen

21683

04146

Koordinaten:53° 38′ N, 9° 28′ O53° 38′ N, 9° 28′ O

Götzdörp (hoochdüütsch Götzdorf) is en Dörp in de Gemeen Stood in’n Landkreis Stood, Neddersassen. Götzdörp liggt an de Süüdkant von Keden.

Geografie

De Oort liggt in de Masch von Keden. Na Westen to liggt dat Kedener Moor. Dat Water ut dat Rebeed flütt över Gravens na’n Hörn-Götzdörper Kanaal hen af. Dat Rebeed in’n Oosten von Götzdörp leeg fröher butendieks un hett de Bützfleter Süderelv billt, de dör Bützfletersand von’n Hauptstroom von de Elv aftrennt weer. Vondaag is dat Rebeed aver kumplett indiekt un de Süderelv besteiht bi Götzdörp nich mehr. Op Bützfletersand liggt nu en Industrierebeed.

De Naveröörd sünd Bützfleet in’n Noorden, Stood mit Schölisch un Hohenwedel in’n Süden un Groot-Steernbarg in’n Westen. In’n Oosten liggt dat Bützfleter Industrierebeed un de Elv.

Historie

In’n Eersten Weltkrieg sünd 16 Soldaten ut Götzdörp fullen oder vermisst^[1].

Inwahnertall

Johr	Inwahners
1824-00-001824^[2]	39 Füürsteden
1848-00-001848^[3]	308 Lüüd, 46 Hüüs

Religion

Götzdörp is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Kultur

En Denkmaal för de Götzdörper Fullenen ut de twee Weltkrieg’ steiht bi de Nicolai-Kark in Bützfleet.

Infrastruktur

Verkehr

Götzdörp liggt an de Landsstraat 111, de ok Obstmarschenweg heet. De Buslien 2025 von de HVV höllt in Götzdörp un föhrt na Stood. Över de Kreisstraat 31 is de Oort ok noch mit Schölisch verbunnen.

Von 1899 bet 1933 harr Götzdörp en Bahnhoff an de Kedener Kreisbahn. Vondaag is de nächste Bahnhoff de Bahnhoff Stood an de Nedderelvbahn, de so bi söss Kilometer weg is.

Scholen

Götzdörp harr fröher en egen Volksschool. De Kinner ut Götzdörp gaht nu in Bützfleet op de Grundschool an’t Fleet. Later mööt de Schölers na Stood. För’t Gymnasium normalerwies na de Vincent-Lübeck-School un för de Realschool na de Realschool Camper Höh.

Footnoten

↑ http://www.denkmalprojekt.org/dkm_deutschland/buetzfleth_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 214: http://books.google.de/books?id=tG0AAAAAcAAJ&pg=PA214
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144

[1] ttp://www.denkmalprojekt.org/dkm_deutschland/buetzfleth_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 214: http://books.google.de/books?id=tG0AAAAAcAAJ&pg=PA214

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144

[1]

[2]

[3]