Sturla Holm Lægreid
Sturla Holm Lægreid (* 20. Februar 1997 in Bærum) is en norweegsch Biathlet.
Loopbahn
ännernSturla Holm Lægreid hett sien eerst internatschonale Rennen bi dat Europääsch Olympisch Winter-Jöögdfestival 2015 in Bürserberg, Vorarlberg, wo he in de Verfolgung achter Sebastian Samuelsson Sülver un in de Mixed-Staffel gemeensam mit Mathea Tofte, Karoline Erdal un Aleksander Fjeld Andersen Gold gwunn. Later nehm he an de Biathlon-Juniorenweltmeesterschapen 2018 in Otepää deel un wunn Sülver in’n Eenzel as ok – gemeensam mit Sivert Bakken, Johannes Dale un Endre Strømsheim – Gold mit de Staffel. Nah en Winter ahn internationale Wettkämpe hett he an Rennen in‘n Rahmen vun den IBU-Cup in Martell deelnommen, nah en 17. Platz in‘n Sprint wunn he unverwacht den Massenstart. Doruphen wurr he ok för de Deelnahm an den Europameesterschapen 2020 in Minsk nomineert, wo he in dat Verfolgungsrennen achter Sergei Wadimowitsch Botscharnikow ut Wittrussland den Sülvermedaille wunn. Kört dorup wurr he in de Weltcup-Mannschap beropen. Dor hett he mit goot Ergevnissen wieder up sück upmarksom maakt. In den Gesamtweltcup keem he bi blots veer Starts up den 43. Platz.
In’n Sömmer 2020 wurr he in de söss Mann umfaaten Elite-Natschonalmannschap beropen. Glieks dat eerst Rennen in Kontiolahti hett he wunnen, wobi he glieks dat geel Trikot vun den Weltcup-Gesamtführenden recken dee, wat he bi den nahfolgenden Sprint aber ok weer verlor. Bit to de Biathlon-Weltmeesterschapen 2021 in Pokljuka kunn he aber noch 3 wiedere Weltcupsiege un eenige Podiumsplatzeeren fieren. Ok bi de Weltmeesterschapen leep dat för hüm överragend. Sien schlechts Ergevnis weer dor Platz 7 in’n Sprint, dat he in de Verfolgung up Rang söss verbetern kunn. In’t Eenzel wunn he de Goldmedaille vör Arnd Peiffer un Johannes Dale un in’n Massenstart ebenfalls de Goldmedaille vör Johannes Dale un Quentin Fillon Maillet. Dorto keem noch de Goldmedaille in de Staffel gemeensam mit Tarjei Bø, Johannes Thingnes Bø un Vetle Sjåstad Christiansen un in de Mixed-Staffel an de Siet vun Johannes Thingnes Bø, Tiril Eckhoff un Marte Olsbu Røiseland. In de Single-Mixed-Staffel keem he nich to’n Insatz. Dormit weer he aber de spoodriekst männlich Biathlet bi disse WM.
Bi de Olympisch Winterspelen 2022 wunn he mit de Staffel de Goldmedaille.