Styx (Maand)

Styx is en lütten Maand vun den Dwargplanet Pluto, de en Dörmeter twüschen 10 un 25 km opwiest.

Bild mit den 2012 nee opdeckten Maand S/2012 (134340) 1

Opdecken

De Opdecken vun den föfften Pluto-Maand is an’n 11. Juli 2012 vun de NASA bekannt gewesen worrn. Funnen hebbt em Mark R. Showalter un sien Lüüd, as se Biller vun dat Hubble-Teleskop utweert hebbt. Se wulln an sik kieken, wat de Dwargplanet villicht en Planetenring hett as ok eenige annere Planeten ut dat Sünnsystem. Dorbi sünd se op den föfften Maand stött, de inoffiziell as P5 betekent weer oder mit den vörlöpigen offiziellen Naam S/2012 (134340) 1. Siet den 2. Juli 2013 is de offizielle Naam Styx vun de IAU publiek maakt worrn. Mit 10–15 km Dörmeter is dat opstunns de lüttste bekannte Maand vun’n Pluto.

Utforschen

Bit hüüt is de Maand blots op en poor Opnahmen vun dat Hubble-Telekop to sehn. Dorop is aver nix naues to sehn, wat den Opbo oder de Böverflach vun den Maand angeiht. Man, dat warrt överleggt, dat de Rummsond New Horizons, de an’n 19. Januar 2005 losschickt worrn is, na en Flaagtiet vun 10 ½ Johren, an’n 14. Juli 2015, in en Afstand vun blots 27.000 km an den Maand Charon un in blots 9.600 km an Pluto sülvst vörbiflegen schall. Bi dissen Flaag warrt dat ok mööglich wesen, de lütteren Maanden nauer to bekieken.