Sweevfähr
Ene Sweevfähr is ene Brüch över enen Stroom oder enen Kanal, bi de ene Kabien an en Gerüst ophungen is un vun ene Siet na de annere översett.
Vördeel vun ene Sweevfähr över ene normale Fähr to Water is, dat se ok över tofroren Water översetten kann un weniger Energie bruukt. Todem is se keen Hinnernis för annere Scheep, de langs den Waterweg fohrt. Vördeel över ene Brüch is, dat se mehr Ruum ok för gröttere Scheep (graad Seilscheep) hett.
Op de ganze Welt geev dat üm un bi 20 Sweevfähren, vun de acht noch nableven sünd.
| Sweevfähr | Oort | Trech worrn | Läng | wat dor ut worrn is |
|---|---|---|---|---|
| Heevbrügg vun Duluth | Duluth, USA | 1905 | 120 m | 1929 to en Heevbrügg ümboot, löppt noch |
| Sweevfähr vun Bizerta | Bizerta, Tunesien | 1898 | 109 m | 1909 afboot un na Brest bröcht |
| Sweevfähr vun Bordeaux | Bordeaux, Frankriek | - | 400 m | 1910 anfungen un nie trech worrn, afbraken 1942 |
| Sweevfähr vun Brest | Brest, Frankriek | 1909 | 109 m | 1944 kaputt gahn, 1947 afbraken |
| Sweevfähr vun Buenos Aires | Buenos Aires, Argentinien över de Riachuelo |
1914 | ? | steiht noch, aver siet 1947 nich mehr bruukt |
| Sweevfähr vun Kiel | Kiel, Düütschland | 1910 | 128 m | afbraken 1923 |
| Sweevfähr vun Marseille | Marseille, Frankriek in’n Haven |
1905 | 165 m | tweigahn 1944 |
| Sweevfähr vun Middlesbrough | Middlesbrough, Grootbritannien över de Tees |
1911 | 260 m | löppt noch |
| Sweevfähr vun Nantes | Nantes, Frankriek | 1903 | 141 m | afbraken 1958 |
| Sweevfähr vun Newport | Newport, Grootbritannien över de Usk |
1906 | 181 m | löppt noch |
| Sweevfähr vun Oosten | Oosten, Düütschland twischen Oosten un Basbeek över de Oost |
1909 | 80 m | löppt noch |
| Sweevfähr vun Vizcaya | Portugalete, Spanien över de Nervión |
1893 | 164 m | löppt noch |
| Sweevfähr vun Rendsborg | Rendsborg, Düütschland över den Noord-Oostsee-Kanal |
1913 | 140 m | löppt noch |
| Sweevfähr vun Rio de Janeiro | Rio de Janeiro, Brasilien | 1915 | 171 m | afbraken 1935 |
| Sweevfähr vun Rochefort-Martrou | Rochefort, Frankriek över de Charente |
1900 | 140 m | löppt noch |
| Sweevfähr vun Rouen | Rouen, Frankriek | 1898 | 142 m | tweigahn 1940 |
| Royal-Victoria-Dock-Brügg | London, Grootbritannien | 1998 | 128 m | de Brüch steiht, löppt aver noch nich as Sweevfähr |
| Sky Ride | Chicago, USA | 1933 | 564 m | afbraken 1934 |
| Sweevfähr vun Stalingrad | Wolgograd, Russland över de Wolga |
1955 | 874 m | afbraken |
| Sweevfähr vun Warrington | Warrington, Grootbritannien över de Mersey |
1916 | 57 m | nich mehr bruukt |
| Sweevfähr vun Widnes-Runcorn | Widnes-Runcorn, Grootbritannien över de Mersey |
1905 | 304 m | afbraken 1961 |
De Sweevfähren in Oosten un Rendsborg sünd ok Deel vun de Düütsche Fährstraat, ene 250 Kilometer lange Ferienstraat, de twischen Kiel un Bremervöör de ganzen Methoden wiest, wie över’t översett warrn kann.
Siet Harvst 2003 gifft dat in Bilbao enen Weltverband vun de Sweevfähren.
Weblenken ännern
- Sweevfähren (hoochdüütsch)
- Düütsche Fährstraat (hoochdüütsch)
- Sweevfähr vun Rochefort (Frankriek)