Syukuro Manabe (japaansch: 真鍋 淑郎, Manabe Shukurō; * 21. September 1931 in de Präfektur Ehime) is en japaansch-stämmiger US-amerikaansch Meteoroloog un Klimatoloog. He hett Pionierarbeit leist bi den Gebruuk vun Computern för de Simulatschoon vun Klimaveränderungen, sowohl in’n Henblick up natürliche Klimawannel, as ok in’n Betoog up de anthropogene globale Erwärmung. 2021 wurr Manabe de Nobelpries för Physik gemeensam mit Klaus Hasselmann un Giorgio Parisi tospraaken.

Syukuro Manabe (Mai 2018)

Beroplich Werdegang ännern

1958 hett he an de Universität Tokio sien Doktertitel maakt. He keem in de Vereenigte Staaten, wo he bit 1997 in de Afdeelen General Circulation Research vun dat U.S. Weather Bureau tätig weer. Hüüd is dat dat Geophysical Fluid Dynamics Laboratory vun de NOAA. Van 1997 bit 2001 hett he an dat Frontier Research System for Global Change in Japan arbeit; he weer Direkter vun en Forschungsafdeelen, de för dat Ünnersöken vun de globalen Erwärmung tostännig weer. 2002 kehr he in de USA torüch, um as Gastwetenschapler an dat Forschungsprogramm vun de Atmosphären- un Ozeanwetenschapen vun de Princeton University mittowarken.

He is intüschen US-Staatsbörger.[1]

Wetenschaplich Spood ännern

Manabe hett mit den Direkter vun dat Geophysical Fluid Dynamics Laboratory vun de NOAA, Joseph Smagorinsky, tosommen arbeit. He hett tonächst in Washington, D.C. un later in Princeton (New Jersey) dreedimensionale Modelle vun de Eerdatmosphäre entwickelt. In‘n 1967 hemm he un Richard Tyron Wetherald wiest, dat en stiegend Kohlenstoffdioxid-Gehalt in de Erdatmosphäre dorto führt, dat de Hööcht, in de de Eer Warmt in’t All afstrahlt, stiggt. [2] 1969 hemm Manabe un Kirk Bryan de Ergevnisse vun de weltwiet eerste Klimasimulatschoon mit en kuppelten Ozean-Atmosphären-Modell bekannt maakt, bi dat ok de Infloot vun den ozeaanschen Wärmetransport up dat Globalklima berücksichtigt wurr.[3]

In den 1970er un 1980er Johren hett de Grupp um Manabe bahnbreekend Arbeiten bekannt maakt; dorbi hemm se hör Klimamodelle bruukt, um de Klimasensitivität, also de Sensitivität vun dat Klima up verännert Drievhuusgas-Konzentratschonen to ünnersöken.[4] Disse Arbeiten weern en wesentlich Grundlaag vun dat vun dat Intergovernmental Panel on Climate Change erstellten Eersten Saakstandsbericht to de globale Erwärmung, an de ok Manabe mitarbeit hett. Todem weer he ok an den Darten Saakstandsbericht vun dat IPCC bedeeligt.[5]

Wiedere bedüüdend Bidrääg hett he ünner annern mit de Idee leist, dat dat Eerdklima mehr as en stabilen Tostand hemm kunn[6] un indem he wies, dat de Wessel tüschen sückse Tostände mit Hülp vun en relativ realistisch Modell dör schmültend Ieskappen maakt wurrn kunn. [7]

Utteknungen ännern

Manabe is Liddmaat vun de United States National Academy of Sciences un utländsch Liddmaat vun de Academia Europaea un de Royal Society of Canada. 1977 wurr he mit den Jule G. Charney Award ehrt. 1992 weer he de Eerste, de den Blue Planet Prize vun de Asahi Foundation kreeg.[8] 1995 wur he mit den Asahi-Pries ehrt.[9] In dat Johr 1997 wurr hüm vun de Volvo Foundation de Volvo Environment Prize tospraken.[10] Anner Utteknungen weern de Carl-Gustaf Rossby Research Medal vun de American Meteorological Society, de Roger Revelle Medal vun de American Geophysical Union[11] un de Milutin Milankovic Medal vun de European Geophysical Society.[12] In dat Johr 2010 kreeg he mit de William Bowie Medal de hööchste Utteknung vun de American Geophysical Union.[13] För 2015 wurr hüm de Benjamin Franklin Medal vun dat Franklin Institute tospraaken, för 2008 de Crafoord-Pries un för 2016 de BBVA Foundation Frontiers of Knowledge Awards. In dat Johr 2021 kreeg he mit Klaus Hasselmann un Giorgio Parisi den Nobelpries för Physik „för bahnbreekend Bidrääg to dat Verständnis vun komplex physikalischer Systeme“, konkret „för dat physikalische Modelleeren vun dat Klima vun de Eer, de quantitative Analyse vun Variatschonen un de toverlässige Vörherseggen vun de Erderwärmung“.[14]

Trivia ännern

  • De vun Manabe up den Weg brocht Forschungsgrupp is hüüd as Climate Dynamics and Prediction Group (GFDL) bekannt.
  • De Pionierarbeit vun Manabe un Bryan bi de Entwicklung vun dat eerst globale Klimamodell wurr ünner de Top Ten vun de wetenschaplich Dörbröök vun de NOAA vun de letzt 200 Johren wählt.[15]
  • To sien Utscheeden ut dat Geophysical Fluid Dynamics Laboratory vun de NOAA wurr hüm to Ehren in’n März 1998 in Princeton en dree Daag lang düern wetenschaplich Meeting afhollen. Dat droog den Titel „Understanding Climate Change: A Symposium In Honor Of Syukuro Manabe“[16]
  • Bi dat jedes Johr stattfinnen Meeting vun de American Meteorological Society in dat Johr 2005 geev dat en Sünnerveranstaltung mit den Titel Suki Manabe Symposium.[17]

Weblinks ännern

Enkeld Nahwiesen ännern

  1. Eintrag in American Men and Women of Science, Thomson Gale 2004
  2. Syukuro Manabe, Richard T. Wetherald: Thermal Equilibrium of the Atmosphere with a Given Distribution of Relative Humidity. In: J. Atmospheric Sciences. 24, S. 241–259. doi:10.1175/1520-0469(1967)024<0241:TEOTAW>2.0.CO;2. Afropen an'n 25. Januar 2013.
  3. Syukuro Manabe, Kirk Bryan: Climate Calculations with a Combined Ocean-Atmosphere Model. (pdf) In: Journal of Atmos. Sci. 26, S. 786–789. doi:10.1175/1520-0469(1969)026<0786:CCWACO>2.0.CO;2. Afropen an'n 25. Januar 2013.
  4. Syukuro Manabe, Ronald J. Stouffer: Sensitivity of a global climate model to an increase of CO2 concentration in the atmosphere. In: Journal of Geophysical Research. 85, Nr. C10, S. 5529–5554. doi:10.1029/JC085iC10p05529. Afropen an'n 26. Januar 2013.
  5. News comment attributable to the Chair of IPCC Hoesung Lee. Pressemitdeelen vun dat IPCC. Afropen an’n 6. Oktober 2021.
  6. Syukuro Manabe, Ronald J. Stouffer: Two Stable Equilibria of a Coupled Ocean-Atmosphere Model. (pdf) In: J. Climate. 1, S. 841–866. doi:10.1175/1520-0442(1988)001<0841:TSEOAC>2.0.CO;2. Afropen an'n 26. Januar 2013.
  7. Syukuro Manabe, Ronald J. Stouffer: Simulation of abrupt climate change induced by freshwater input to the North Atlantic Ocean. (pdf) In: Nature. 378, S. 165–167. doi:10.1038/378165a0. Afropen an'n 26. Januar 2013.
  8. The Winners of the Blue Planet Price (PDF; 6,9 MB). The Asahi Glass Foundation. Afropen an’n 24. Januar 2013.
  9. The Asahi Prize, Asahi Prize recipients. Asahi.com. Afropen an’n 26. Januar 2013.
  10. Volvo Environment Price, Laureates 1997: Syukuru Manabe, Veerabhadran Ramanathan. The Volvo Environment Prize Foundation. Afropen an’n 24. Februar 2020.
  11. Roger Revelle Medal, Past Recipients. American Geophysical Union. Afropen an’n 31. Januar 2013.
  12. EGS Milutin Milankovic´ Medallist - 1998. European Geophysical Society. Afropen an’n 31. Januar 2013.
  13. 2010 William Bowie Medal Winner Syukuro Manabe. American Geophysical Union. Afropen an’n 26. Januar 2013.
  14. Press release: The Nobel Prize in Physics 2021 up nobelprize.org, afropen an’n 5. Oktober 2021 (englisch).
  15. NOAA celebrates 200 years of science, service and stewardship. NOAA. Afropen an’n 24. Januar 2013.
  16. UNDERSTANDING CLIMATE CHANGE: A SYMPOSIUM IN HONOR OF SYUKURO MANABE. Geophysical Fluid dynamics Laboratory. Afropen an’n 24. Januar 2013.
  17. The Suki Manabe Symposium. American Meteorological Society. Afropen an’n 24. Januar 2013.