Temash River
| Temash River | ||
|---|---|---|
| Laag | Guatemala, Belize | |
| ||
| Stroomsystem | Temash River | |
| Läng | 66 km | |
| Afströömrebeed | ~50 km² | |
| Born | bi Timax | |
| Münn | in de Bucht von Amatique | |
| Koordinaten Münn: | Koordinaten:15° 59′ N, 88° 56′ W15° 59′ N, 88° 56′ W | |
| linke Blangenströöm | Freshwater Creek, Go to Hell Creek, Sunday Wood Creek, Temash Lagoon, Boyo Creek | |
De Temash River (spaansch Río Timax) is en üm un bi 66 Kilometer langen Stroom in Guatemala un Belize, de in de Bucht von Amatique münnt.
Verloop
ännernDe Stroom hett sien Born bi’n Oort Timax in dat Municipio San Luis, Departamento Petén, Guatemala, in de Süüdutlöpers von de Maya-Bargen. Von dor flütt de Stroom na Oosten över de Grenz na Belize un vörbi an de Öörd Otoxha un Crique Sarco. Twüschen de beiden Öörd münnt von links de Freshwater Creek (4 km lang) un de Go to Hell Creek (11 km lang) in’n Temash River.
Dat letzte Stück von Crique Sarco bet na de Münn is as Sarstoon-Temash-Natschonaalpark schuult. Hier münnt von links de Sunday Wood Creek (6,5 km lang) in’n Temash. Kort achter’n Sunday Wood Creek beröhrt de Stroom de Temash Lagoon, wat en twee Kilometer lange un 150 m brede Laguun is, de sik ut’n 9 km langen Conejo Creek un den 6,5 km langen Vieras Creek billt. Toletzt münnt noch von links de Boyo Creek (7,5 km lang) in’n Temash.
De Stroom münnt dree Kilometer in’n Süüdwesten von Barranco in de Bucht von Amatique, wat en Deel von de Karibische See is.