Terpsichore (Mythologie)

Terpsichore (vun ooltgreeksch τερπέω, terpeo "sik frein" un χoρός, choros "Danz",up Platt: de bi'n Danz sik freit) is en vun de negen Musen, de dat in de Greeksche Mythologie vun Hesiod af an gifft. Se is de Muse vun den Chorgesang un vun den Danz.

Terpsichore (Bild vun Jean-Marc Nattier (1739)

Mythos

As al Musen is Terpsichore en Göddin. Se is en Dochter vun Zeus un siene Leevste Mnemosyne. Hen un wenn warrt se ok as Mudder vun de Sirenen ankeken, de se mit den Flussgott Acheloos tüügt hebben schall.

Ikonographie

Terpsichore warrt tomeist dorstellt in'n Sitten mit en Kythara (Lier) un mit en Plektron.

Musik

De Komponist Michael Praetorius hett siene Sammlung mit weltliche Dänz na düsse Muse Terpsichore benömmt.

Astronomie

De Asteroid Nr. 81, Terpsichore, hett sien Naam vun düsse Muse herkregen.

Terpsichore. Mehr Biller, Videos oder Audiodateien to’t Thema gifft dat bi Wikimedia Commons.