The Lucky Texan
The Lucky Texan (op platt so veel as: „De Glückliche ut Texas“; dt. Titel: Das Gold von Texas) is de Titel vun en US-amerikaanschen Westernfilm ut dat Johr 1934 vun Robert N. Bradbury mit John Wayne in de Hööftrull. De Film weer an verscheden Öörd in Kalifornien dreiht[1], de Premiere hett an’n 22. Januar 1934 in de USA stattfunnen[2].
| Filmdaten | |
|---|---|
| Plattdüütsch Titel: | — |
| Originaltitel: | The Lucky Texan |
| Düütsch Titel: | Das Gold von Texas |
| Produkschoonsland: | USA |
| Johr vun’t Rutkamen: | 1934 |
| Läng: | 55 Minuten |
| Originalspraak: | Engelsch |
| Filmkru | |
| Speelbaas: | Robert N. Bradbury |
| Dreihbook: | Robert N. Bradbury |
| Produkschoon: | Paul Malvern |
| Musik: | Dave Stoner |
| Kamera: | Archie Stout |
| Snitt: | Carl Pierson |
| Dorstellers | |
| |
Inholt
ännernJerry Mason will den letzten Wunsch vun sien Vadder nakamen un söcht den sien besten Fründ Jake Benson op. Den schall he op sien Farm to Hand gahn. Tosamen maakt se Jake sien Hoofsmeed wedder apen. Dor hebbt se een Dag en Peerd, dat sik en Steen in’n Hoof peddt harr, den se wegmaakt. Later fallt jem op, dat de Steen in Wohrheit ’n Kluten Gold is. Also maakt se sik op de Söök un finnt wohrhaftig en rieke Goldader. Jemehr Büüt verkööpt de beiden so geheem as dat geiht in de Stadt bi Harris un Cole. Harris kriggt aver liekers Nied un hett dat bito ok op de Farm vun den ollen Benson afsehn. Dör en Trick kriggt he Jake dorto, sien Ünnerschrift ünner den Koopverdrag vun de Ranch to setten – ahn dat he wat dorvun mitkriggt.
Harris hett nu vör, Jake üm de Eck to bringen. Dorna kann he ahn Lasten mit den verkehrten Koopverdrag de Farm övernehmen. Mit sien Macker Cole luert se em op, as he alleen vun jemehrn Claim torüch kummt. Se fangt em af un scheet op Jake. In den Gloven, dat se em an de Siet maakt hebbt, laat se em in de Wildnis torüch. Man, Jake sien Muli geiht dör un löpt torüch na de Stadt, so dat ok Jerry spitz kriggt, dat wat in’n Busch is. He finnt Jake, de man blots anschaten weer, un bringt em na Huus. Duert gor nich lang, dor staht al Harris un Cole vör de Döör un vertellt Jerry, dat se de Farm gau övernehmen wüllt.
Kort later bringt Jerry dat letzte Gold in de Stadt un meelt de Claims an. Harris un Cole versöökt nu aver den Verdacht op em to lenken, dat dat för den Sheriff so utsütt, as wenn Jerry Jake doodmaakt harr. Den annern Dag schall he vör’n Richter anhöört warrn. Över Betty, de Nichte vun Jake, warrt ok dat ok de olle Benson wies, de ok na de Anhören kamen deit – verkleedt as’n Fro. Dor gifft he sik denn to kennen un vertellt den Richter, wat sik wohrhaftig todragen hett. Harris un Cole künnt woll eerst utrieten un neiht denn mit en motoriseerte Iesenbahn-Draisien dör, warrt opletzt aver vun Jerry inhalt un an’n Sheriff övergeven. An’t Enn vun’n Film steiht de Hochtiet vun Jerry un Betty.
Weblinks
ännern- The Lucky Texan in de Internet Movie Database (engelsch)