The Trail Beyond
The Trail Beyond (op platt so veel as „De Weg doröver rut“; dt. Titel: Sie töten für Gold oder Gier nach Gold) is de Titel vun en US-amerikaanschen Western ut dat Johr 1934 mit John Wayne in de Hööftrull. Speelbaas weer Robert N. Bradbury. Dat Dreihbook baseert op de Novell The Wolf Hunters vun James Oliver Curwood. De Film sülvst is en Remake vun den Film The Wold Hunters ut dat Johr 1926. Dreiht weer de Film an verscheden Öörd in’n US-Bundsstaat Kalifornien[1]. De Premiere weer an’n 22. Oktober 1934 in de USA[2].
| Filmdaten | |
|---|---|
| Plattdüütsch Titel: | — |
| Originaltitel: | The Trail Beyond |
| Düütsch Titel: | Sie töten für Gold |
| Produkschoonsland: | USA |
| Johr vun’t Rutkamen: | 1934 |
| Läng: | 55 Minuten |
| Originalspraak: | Engelsch |
| Filmkru | |
| Speelbaas: | Robert N. Bradbury |
| Dreihbook: | Lindsley Parsons |
| Produkschoon: | Paul Malvern |
| Kamera: | Archie Stout |
| Snitt: | Charles R. Hunt |
| Dorstellers | |
| |
Inholt
ännernRod Drew kriggt vun den besten Fründ vun sien Vadder den Opdrag na Kanada to reisen. He schall dor na den Broder kieken, den he al twintig Johren nich mehr sehn hett un na sien Nichte, Felice Nesome, de inst sien Land un de Ranch arven schall. Op de Fohrt in en Tog dröpt Rod sien ollen Fründ Wabi, de bi en Pokerspeel bedrogen warrt. Bi den Striet geiht aver en Revolver los un de warrt Beschieter drapen. Rod, de dorto kummt, hülpt Wabi – gemeensom springt se ut’n Tog un neiht ut.
Op de Flucht finnt se in en Blockhütt de Liek vun twee Lüüd tosamen mit en Koort, de den Weg to en Goldmien wiest. Se finnt rut, dat een vun de beiden Lieken de Broder is, den Rod söken schall. De beiden kamt in’t Wabinosh House ünner, woneem se de Koort in en Safe versteken doot. Benoit, de in dat Huus as en Oort Spion arbeit, vertellt sien Baas LaRocque dorvun. Se versöökt de Koort to klauen, hebbt dormit aver keen Spood. Dorför roovt se de junge Felice Newsome, de ok in’t Wabinosh House leevt. Rod un Wabi maakt sik op’n Weg un befreet ehr.
’N beten later fraagt Marie LaFleur in’t Wabinosh House na Arbeit un warrt as Bookhollersche instellt. Ok se arbeit in Wohrheit för LaRocque. De warrt intwüschen gewohr, dat de beiden Frömmen wegen en Moord söcht warrt un nütt dat för sik ut, üm an de Koort to kamen. Een vun sien Mackers verkleedt sik as Mountie un nimmt de beiden fast. In’t Lager vun LaRocque drapt se op den echten Mountie, de na jem söken deit. Se befreet em liekers un seggt em to, dat se as Fangene mit em gaht, wenn se de Goldmien funnen hebbt. De Bande üm LaRocque hebbt se en verkehrte Koort tospeelt, wiel se sülvst na de richtigen Koort gaht. In die Mien finnt Rod denn rut, dat Felice Newsome de Nichte is, na de he söken schüll.
Dat kummt to en Verfolgungsjagd, as de Rövers rutfinnt, dat se bescheten worrn sünd. De Mountie warrt dorbi anschaten, man Rod un Wabi reddt em. Opletzt beslutt LaRocque, dat Wabinosh House mit sien Bande antogriepen. Dor kummt dat to’n Showdown. Rod kenn de Situatschoon redden, vunwegen dat he jüst noch rechttietig en Trupp Polizisten ut den nächsten Oort ropen kann. An’t Enn stellt sik rut, Pokerspelers ut’n Tog Wabi sien Unschuld bestätigt hebbt un de Beschieter gor nich dood is. So kann Rod opletzt Felice torüch na Huus bringen, de sik lang al in em verkeken hett.
Weblenken
ännern- The Trail Beyond in de Internet Movie Database (engelsch)
Borns
ännern- ↑ Dreihöörd in de IMDb afropen an’n 28. Mai 2013
- ↑ Premierendaten op IMDb afropen an’n 28. Mai 2013