Timmersloh

Wapen/Flagg Koort
hett keen Wapen
Timmersloh
Laag vun Timmersloh in Düütschland
Basisdaten
Bundsland: Bremen
Gemeen: Bremen
Oortsdeel: Borgfeld
Inwahners:
Postleettall: 28357
Vörwahl: 0421
Geograafsche Laag:
Koordinaten:53° 8′ N, 8° 56′ O
53° 8′ N, 8° 56′ O

Timmersloh is en Dörp in’n Noordoosten von de Stadt Bremen. Dat liggt in’n Bremer Oortsdeel Borgfeld.

GeografieÄnnern

Timmersloh liggt in dat lüttje Rebeed von Bremen, dat op dat rechte Över von de Wümm liggt. De Wümm sülvs flütt so bi twee Kilometer in’n Süüdwesten an Timmersloh langs, de Wörp bi 500 Meter in’n Noordwesten. In’n Süden liggt dat Naturschuulrebeed Borgfeller Wümmwischen.

De Naveröörd sünd Heidbarg in’n Noordoosten, Seebargen in’n Oosten, Överneeland in’n Süden, Borgfeld un Warf in’n Süüdwesten, Truup un Butendiek in’n Westen un Leendaal in’n Westen, Noordwesten un Noorden.

HistorieÄnnern

Timmersloh kummt as Timmersloh 1545 toeerst in de Oorkunnen vör. 1666 hett Bremen de kumplette Hoheit över Borgfeld, Timmersloh, Warf, Butendiek, Verenmoor un Ebbensiek övernahmen.

De Feldmark Timmersloh hett fröher bet an de Wörp reckt, aver 1827 hett de Stadt Bremen de Stücken an de Wörp langs an dat Königriek Hannover afgeven. Dat weer in’n Uttuusch för Rebeden, op de Bremen de Stadt Bremerhoben grünnen wull.

In’n Eersten Weltkrieg sünd söss Soldaten ut Timmersloh fullen oder vermisst[1].

Deel von dat Oortsamt Borgfeld is de Oort 1946 worrn.

InwahnertallÄnnern

Johr Inwahners
1843-00-001843[2] 22 Hüüs, 120 Inwahners

ReligionÄnnern

Timmersloh is evangeelsch präägt un höört to dat Kaspel Borgfeld.

KulturÄnnern

Dat Dörphuus Timmersloh is 1983 inwieht worrn.

En Denkmaal för de Fullenen ut Timmersloh ut de twee Weltkrieg’ steiht in Borgfeld.

Weertschop un InfrastrukturÄnnern

 
Füürwehr Timmersloh

De Oort hett en egene Freewillige Füürwehr.

VerkehrÄnnern

Timmersloh liggt an de Timmersloher Landstraat, de in’n Westen in Leendaal an de Landsstraat 133 rangeiht un in’n Oosten bi Seebargen an de L 154. In’n Süüdwesten löppt de Butendieker Landstraat na Borgfeld. De Brügg von de Butendieker Landstraat över de Wümm is 1887 boot worrn. De nächste Opfohrt op en Autobahn is de Opfohrt 19 Horn-Leh op de Autobahn 27 (Afsnidd BremenWasra), de so üm un bi söven Kilometer weg is.

De nächste Bahnhoff is de Bahnhoff Överneeland an de Bahnlien Wanne-Eickel-Hamborg un so bi negen Kilometer weg.

ScholenÄnnern

De Volksschool in Timmersloh is in dat 17. Johrhunnert grünnt worrn un hett 1972 dichtmaakt. 1984 is in de Rüüm von de School en Kinnergoorn inricht worrn. De Kinner ut Timmersloh gaht vondaag in de Regel na de Grundschool Borgfeld-Midd un later na dat Schoolzentrum Bergiusstraat.

FootnotenÄnnern

  1. http://www.denkmalprojekt.org/2008/bremen-borgfeld_ratsspiekerpark_wk1u2.htm
  2. Johann Friedrich Kratzsch: Vollständiges topographisch-justitiarisches handbuch der sämmtlichen deutschen bundesstaaten. Zimmermann, 1843, Band 1 Sied 708