Tony Reedus
Tony Reedus (* 22. September 1959 in Memphis, Tennessee; † 16. November 2008 in New York City) weer en US-amerikaansch Jazzslagtüüchspeler mit utbalanceerten, kraftvull drievend Stil.
Leven un Warken
ännernReedus fung mit 14 Johren an Slagtüüch to spelen un bald speel he ok in de Schoolband. Dör sien Unkel James Williams (ehmaliger Pianist vun de Jazz Messengers) anreegt, fung he an, Jazz to spelen. He entwickel sien Vörstellungen vun dat Slagtüüchspeel in de Highschooltiet un dör dat Ünnersöken vun de Stile vun sien Vörbiller as Chick Webb, Art Blakey, Louis Hayes, Max Roach, Elvin Jones, Tony Williams un Victor Lewis.
Reedus schreev sück 1978 in de Memphis State University in. To glieker Tiet hett he aber ok in lokaal Jazzclubs mit Saxofonist Herman Green un völ anner Musiker ut Memphis arbeit. In disse Tiet speel he ok mit Jazz-Grötten as Milt Jackson, Slide Hampton un Frank Foster. Bi en Upträe in dat Blue's Alley in Memphis weer de Trompeter Woody Shaw so beindruckt, dat he hüm beden hett, dat he doch bi hüm in New York vörspelen sull. Nah en spoodriek Versöök is Reedus vun de Uni weggahn un hett sück de Grupp vun Shaw anslooten, to de noch Steve Turré, Mulgrew Miller un Stafford James hörrn dee. 1981 hett he sien eerst Upnahm up Shaws United makt, tour wieder mit de Band vun den Trompeter un bleev bi de Band, bit de sück 1983 uplööst hett.
Sietdem hörr Reedus wesselnd Bands in de New Yorker Ruum un weltwiet an, so dat Mercer Ellington Orchester, Art Farmer, Bobby Hutcherson, Freddie Hubbard, Kenny Garrett, Mulgrew Miller, George Coleman, Benny Golson, Joe Lovano, Phineas Newborn un völ annern. In de letzt Johren hett he regelmaatig in de Band vun den Gitarristen Dave Stryker un mit de Keyboarder un Organisten Mike LeDonne speelt.
Tony Reedus hett dree eegen Alben upnommen.
He is an en Lungenembolie up den Weg in dat Krankenhuus storven, nahdem he up den Flooghaben bi de Rückkehr vun en Konzert in Italien tosommenbraken weer.
Diskografie
ännern- People Get Ready
- Minor Thang, verapenlicht Juli 1996
- Incognito
- The Far Side