Udo Paschedag
Udo Paschedag (* 27. September 1954 in Wienghuom’m) is en düütschen polietschen Beamten.
Paschedag hett na dat Abitur an de Universität Mönster Juristeree studeert un denn sien Referendariat an dat Landgericht Essen maakt. Na dat twete Staatsexamen in Düsseldörp hett he 1984 in Neddersassen den Richterdeenst in de Verwaltungsgerichtsborkeit anfungen. 1987 is he Dezernent för Ümwelt, Weertschop un Verkehr, Jöögd un Sozialen Kraam bi’n Landkreis Cuxhoben worrn. In dat sülve Johr is Paschedag Richter an dat Verwaltungsgericht op Levenstied worrn. Von 1991 bet 1992 weer he Referent bi dat Neddersassische Binnenministerium in Hannover un von 2001 bet 2003 bi dat Bundsümweltministerium in Berlin. 2003 is he Referatsbaas bi dat Bundsümweltministerium worrn.
Von 1996 bet 2010 weer Paschedag för Bündnis 90/De Grönen in’n Kreisdag von’n Landkreis Stood.
An’n 16. Juli 2010 is he ünner Minister Johannes Remmel Staatssekretär in dat Ministerium för Klimaschutz, Ümwelt, Bueree, Natur- un Verbrukerschutz von Noordrhien-Westfalen worrn. In’n Februar 2013 is he Staatssekretär in dat Neddersassische Ministerium för Eten, Bueree, Verbrukerschutz un Landsentwicklung worrn.
An' 3. September 2013 hett de Landsregeeren beslooten, hüm in den eenstwieligen Ruhestand versetten to laaten. Grund dorför weer mit, dat he sück en bannig dicken Deenstwagen leist harr un in den Tosommehang falsch Angaven maakt hemm sall.
Paschedag is verheiraadt un hett een Kind.
Weblenken
ännern- Levensloop von Udo Paschedag op de Websteed von’n MELV Niedersachsen (hoochdüütsch)