Vossbarg (Gemeen Wingst)

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04778
Geograafsche Laag:	53° 45′ N, 9° 5′ O

De Vossbarg (hoochdüütsch Fuchsberg) is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst bi.

Geografie

De Vossbarg is en 32 Meter hogen Topp an’n Noordoostrand von de Geest von de Wingst. Na Noorden un Oosten to liggt Moor un de Masch von de Au.

De Naveröörd sünd Klint un Freenhoff in’n Noorden, Neendiek in’n Oosten, Hööftgroov un Watermöhl in’n Süüdoosten, Freesenmoor un Fahlbarg in’n Süden, op de Högden in’n Westen un Oostermoor un Bösenhörn in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1824-00-001824	2 Füürsteden
1871-12-011. Dezember 1871	23 Lüüd, 4 Hüüs

Religion

Vossbarg is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

De Straat An’n Vossbarg is verbunnen mit de Bundsstraat 73, de in’n Noordwesten över Kumbarg un Neehuus na Oterndörp un Cuxhoben geiht un in’n Süüdoosten över Hemmoor/Warstood/Basbeek un Himmelpoorten na Stood.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 32 Kilometer in’n Noordwesten von’n Vossbarg.

De nächste Bahnhoff is so bi dree Kilometer wied weg in’n Noordwesten de Bahnhoff Kumbarg an de Nedderelvbahn.