William Howard Stein

William Howard Stein (* 25. Juni 1911 in New York City; † 2. Februar 1980 ok dor) weer en US-amerikaansch Biochemiker. He kreeg 1972 den Nobelpries för Chemie för sien Arbeiten to de chemisch Struktur un to de katalytisch Wirken vun dat aktiv Zentrum vun dat Ribonukleas-Molekül, muss sück den Pries aber mit Stanford Moore un Christian Boehmer Anfinsen deelen.

Biographie

William H. Stein hett van 1927 bit 1929 an de Philips Exceter Academy studeert un gung dorna an de Harvard University un de Columbia University, wo he 1938 sien’ Dokter makt hett. In’ Ansluss doran wurr he Eerst Mitarbeiter un later Perfesser an dat Rockefeller-Institute in New York.

Wark

William H. Stein un Stanford Moore gelung mit de Ribonukleas eerstmalig, de Primärstruktur vun en Enzymmolekül vullstännig uptokloren, wobi se en vun hör entwickelt Aminosäureanalysator insetten deen. Dit Gerät hett dat mögelk makt, Proteine uptolösen, de ut en gröttere Antall vun eenzelt Aminosüeren upbaut sünd. Dör de Upkloren vun de Struktur wurr de Weg to dat Verständnis vun dissen Enzym platt makt un de Grundlaag to de Erforschung vun wiedere Enzymen leggt.

Literatur

• Bernhard Kupfer: Lexikon der Nobelpreisträger. Patmos Verlag, Düsseldorf 2001, ISBN 3-491-72451-1
• Brockhaus Nobelpreise - Chronik herausragender Leistungen. Brockhaus, Mannheim 2004, ISBN 3-7653-0492-1

Weblenken

• Stanford Moore up de Siet vun den Nobelpries (engelsch)
• Personennaamdatei