Stanford Moore

Stanford Moore (* 4. September 1913 in Chicago; † 23. August 1982 in New York City) weer en US-amerikaansch Biochemiker. He kreeg 1972 den Nobelpries för Chemie för sien Arbeiten to de chemisch Struktur un to de katalytisch Wirken vun dat aktiv Zentrum vun dat Ribonukleas-Molekül, muss sück den Pries aber mit William Howard Stein un Christian Boehmer Anfinsen deelen.

Biographie

Stanford Moore hett Chemie an de Vanderbilt University in Nashville studeert un gung dornah an de Universität vun Wisconsin, wo he 1938 sien Doktertitel makt hett. Ansluutend wurr he Perfesser för Biochemie in New York, wo he mit William Howard Stein arbeit hett.

Wark

William H. Stein un Stanford Moore gelung mit de Ribonukleas eerstmalig, de Primärstruktur vun en Enzymmolekül vullstännig uptokloren, wobi se en vun hör entwickelt Aminosäureanalysator insetten deen. Dit Gerät hett dat mögelk makt, Proteine uptolösen, de ut en gröttere Antall vun eenzelt Aminosüeren upbaut sünd. Dör de Upkloren vun de Struktur wurr de Weg to dat Verständnis vun dissen Enzym platt makt un de Grundlaag to de Erforschung vun wiedere Enzymen leggt.

Literatur

• Bernhard Kupfer: Lexikon der Nobelpreisträger. Patmos Verlag, Düsseldorf 2001, ISBN 3-491-72451-1
• Brockhaus Nobelpreise - Chronik herausragender Leistungen. Brockhaus, Mannheim 2004, ISBN 3-7653-0492-1

Weblenken

• Stanford Moore up de Siet vun den Nobelpries (engelsch)
• Personennaamdatei