Wittörp (Landkreis Lümborg)

Wittörp (hoochdüütsch Wittorf) is en Gemeen in’n Landkreis Lümborg in Neddersassen. Wittörp hett 1530 Inwahners (Stand 31. Dezember 2023) op 11,99 km². To de Gemeen höört ok de Oortsdeel Up de Heid (hoochdüütsch Neu-Wittorf).

Wapen/Flagg

Koort

Basisdaten

Düütschland

Samtgemeen: Bewick

Landkreis: Lümborg

Bundsland: Neddersassen

Flach:

11,99 km²

Inwahners:

1530 (31. Dezember 2023)

4 m över de See

21357

04133

Koordinaten:53° 20′ N, 10° 23′ O53° 20′ N, 10° 23′ O

Grenzen bi OSM:

1944506

Gemeenslötel:

03 3 55 042

Börgermeester:

Gustav Rieckmann

Websteed:

www.samtgemeinde-bardowick.de

Koort

Kreis

Geografie

De Gemeen liggt süden vun de Elv in de Lümborger Heid. Dicht bi Wittörp deit de Ilmenau langsfleten

Geschicht

Wohrschienlich to Enn vun dat eerste Johrdusend n. Chr. hebbt sik Minschen hier op en Geestinsel ansiedelt un dat Dörp begrünnt. Dat eerste Maal in de Oorkunnen kummt de Oort in en Rieksoorkunn vun Hinrik II. an’n 2. November 1004 ünner den Naam Uuitthorp vör.

Verwaltungsgeschicht

In de Franzosentied von 1810 bet 1814 hett de Oort to de Mairie Winsen in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Bewick in dat Amt Winsen tohöört. Blots in de Tied von 1852 bet 1859 weer de Oort kort in dat Amt Parrns. Na 1885 weer Wittörp in’n Kreis Winsen. 1932 is dat Dörp Deel von’n Kreis Horborg worrn. Mit dat Gesett över de Neegliederung von de Gemenen in’n Ruum Lümborg^[1] (Gemeenreform in Neddersassen) is de Gemeen to’n 1. März 1974 in’n Landkreis Lümborg wesselt. Siet 1974 höört dat Dörp ok to de Samtgemeen Bewick.

Inwahnertall

Johr	Inwahners
1791-00-001791^[2]	30 Füürsteden
1812-00-001812^[3]	102
1824-00-001824^[4]	30 Füürsteden
1848-00-001848^[5]	487 Lüüd, 49 Hüüs
1871-12-011. Dezember 1871^[6]	422 Lüüd, 49 Hüüs
1910-12-011. Dezember 1910^[7]	570
1925-00-001925^[8]	630
1933-00-001933^[8]	628
1939-00-001939^[8]	639

Religion

Wittörp is evangeelsch-luthersch präägt un höört to dat Kaspel von de Peter-un-Paul-Kark in Bewick.

För de Kathoolschen is de Marien-Kark in Lümborg tostännig.

Wapen

Dat Wapen wiest dree sülvern Fisch, de na baven kiekt, op en roden Dweerbalken op sülvern Grund. Dat Wapen hett de ole Gemeen 1938 beslaten. Dat is dat Wapen vun de utstorvene aadlige Familie vun Wittörp, de hier fröher ehren Sitt harr.

Weertschop un Infrastruktur

Verkehr

Ganz in’n Oosten up de Heid löppt vun Noordwest na Süüdoost de Bundsstraat 4 langs, de vun Winsen kummt un na Bewick wiedergeiht. In Wittörp sülvs geiht de Kreisstraat 31 na Süden af, na Bewick, un de Kreisstraat 12, de na Oosten, na Sankt Dionys, geiht. Denn gifft dat noch en lüttjere Straat, de na Noorden löppt, över de Ilmenau röver un na Horborg to. Verbunnen warrt Wittörp un de Heid mit de Hauptstraat, wat toglieks de Kreisstraat 33 is.

Kultur

Ok wenn vun de ole Heid kuum wat nableven is, fiert Wittörp siet 1955 elk Johr sien Heidblödenfest.

School

Wittörp hett en egen Kinnergoorn. Op Grundschool gaht de Kinners na Handörp.

Footnoten

↑ Gesetz zur Neugliederung der Gemeinden im Raum Lüneburg, 28. Mai 1973
↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 254
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62
↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 676
↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
↑ Inwahnertallen op gemeindeverzeichnis.de
↑ ^a ^b ^c Inwahnertallen op verwaltungsgeschichte.de

Städer un Gemenen in den Landkreis Lümborg

[1] Gesetz zur Neugliederung der Gemeinden im Raum Lüneburg, 28. Mai 1973

[Scharf-2] Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 254

[Lasius-3] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62

[Jansen-4] Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 676

[HarseimSchluter-5] Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104

[GemGutsbPreu-6] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135

[gemeindeverzeichnis-7] Inwahnertallen op gemeindeverzeichnis.de

[verwaltungsgeschichte-8] Inwahnertallen op verwaltungsgeschichte.de

[1]

[2]

[3]

[4]

[5]

[6]

[7]

[8]