Ägypt’sch Haupeerd

Dat Ägypt’sch Haupeerd (Anacridium aegyptium), towielen ok Ägypt’sch Treckhaupeerd nömmt, is en Kortspriet-Haupeer ut de Familie vun de Feldhaupeer. Normolerwiese geiht düt Groothaupeerd nich up Treck.

Ägypt’sch Haupeerd;

Ägypt’sch Treckhaupeerd

Systematik

Stamm:	Liddfööt (Arthopoda)
Ünnerstamm:	Tracheendeerter (Tracheata)
Böverklass:	Sessfööt (Hexapoda)
Klass:	Insekten (Insecta)
Ünnerklass:	Fleeginsekten (Pterygota)
Böverornen:	Neeflunken (Neoptera)
Ornen:	Haupeer (Orthoptera)
Ünnerornen:	Kortspriet-Haupeer (Caelifera)
Familie:	Feldhaupeer (Acrididae)
Ünnerfamilie:	Groothaupeer (Cyrtacanthacridinae)
Geslecht:	Anacridium
Oort:	Ägypt’sch Haupeerd (Anacridium aegyptium)

Wetenschoplich Naam

Anacridium aegyptium

Linnaeus, 1764

Kennteken

De Heken weert 30 bit 56, de Seken 46 bit hen to 70 Millimeters lang. Vun'e Farven sünd se geelbruun bit hen to graubruun, mit fien Muster overhen. Up de Böversiete vun't Halsschild dreegt se en Kanten, de is geel bit hen to orange, mit dree Föhren dwars dör. De Schenen vun de Achterbeen sünd wat blau, de Schenkels up de Unnersieten orange. Se hefft grote Flunken, de sünd um un bi so lang, as ehr Lief. De Facettenogen fallt up vunwegen de Striepen, de dor dörlopen doot.

Wo se vorkamen doot

De Deerter leevt in de Gemarken rund um de Middellannsche See to un leevt dor in Rebeden mit man wenig Böme. Towielen weert se bi Importen vun Grööntüüch na Europa insleept.

Wie se leven doot

De utwussenen Deerter sünd vun Septembermaand bit Maimaand hen to finnen, de Budden entwickelt sik in'n Sommer. Düsse Haupeer könnt leifig flegen un weert, vunwegen ehre Grötte, hen un wenn mit lüttje Vagels dör'nanner brocht. Se sünd man swaar to fangen.

Literatur

Heiko Bellmann: Der Kosmos Heuschreckenführer, Die Arten Mitteleuropas sicher bestimmen, Franckh-Kosmos Verlags-GmbH & Co, Stuttgart 2006, ISBN 3-440-10447-8

Weblenken

Ägypt’sch Haupeerd. Mehr Biller, Videos oder Audiodateien to’t Thema gifft dat bi Wikimedia Commons.

Anacridium aegyptium bei Orthoptera.ch