Feldhaupeer

Feldhaupeer oder Feldheupeer (Acrididae) sünd en Familie mank de Haupeer (Orthoptera). Dor höört se to de Kortspriet-Haupeer (Caelifera) bi.

Feldhaupeer
Brunen Grashupper (Chorthippus brunneus)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Haupeer (Orthoptera)
Ünnerornen: Kortspriet-Haupeer (Caelifera)
Familie: Feldhaupeer (Acrididae)
Wetenschoplich Naam
Acrididae
Mac Leay, 1821

KenntekenÄnnern

De Feldhaupeer laat alltohopen na tyypsche Haupeer. Ehr Lief hett en Panzer as Butenskelett, de Achterbeen sünd dannig, de Flunken düütlich un de Föhlspriete man kort. De Höörgöter sitt an de beiden Sieten vun dat eerste Segment an't Achterlief, just över de Schenkels vun de Achterbeen. Gegen de Loofhaupeer (Tettigonidae) over is bi de Seken dat Leggrohr (Ovipositor) nich düütlich to sehn. De wecken Aarden sünd duchtig bunt farvt an Lief oder Flunken. Dor wüllt se Feende mit afschrecken. Zirpen doot se, wenn se de Achterschenkels langs de Vörflunken rievt, de denn anfangt, to bevern un dor en Luud bi afgeevt. Se weert een bit hen to 8 Zentimeters lang, weegt bit hen to 2 g un könnt 3 bit 6 Maande oold weern.

Wie se leven dootÄnnern

Meist all Aarden sünd bannig goot tarnt. Eten doot se allerhand Aarden vun Gras. Man dat gifft ok allerhand Feldhaupeer, de vertehrt annere Planten. De wecken Aarden produzeert Stoffe, de bieten doot. Sülms weert se freten vun parasitäre Wöpsen un Flegen, Käverbudden, Vagels un Reptilien.

Wie se sik vermehren dootÄnnern

De Heken singt overdag un wüllt dor de Seken mit anlocken. Bi de Paarung geiht dat Heken boven up dat Seken sitten. De Paarung sülms duert een Stunne, man towielen blifft dat Heken mehr as een Dag lang up dat Seken sitten un will dor Rivalen mit afwehren. In den laten Sommer bohrt dat Seken en poormol en Gatt in'e Eer un leegt dor tein bit 100 Eier in af. Schuult weert de dör en Laag Schuum. Dat duert 10 bit 20 Dage, oder ok bit to'n neegsten Vörjohr, denn kruupt de jungen Nymphen ut.

Wo se vorkamen un leven dootÄnnern

In Westeuropa sünd man bloß en Reeg vun Aarden ut düsse Grupp tohuse, dormank de ganze Unnerfamilie vun de bekannten Grashuppers, man veel mehr Aarden gifft dat in de Tropen un in de Subtropen. De slecht benömmten Treckhaupeer, dormank dat Wöstenhaupeerd ut Afrika un Süüdwestasien höört ok to de Feldhaupeer. Dat gifft en poor dusend Aarden, un se sünd up de ganze Welt tohuse.

PlagenÄnnern

Düsse Deerter könnt enormen Schaden anrichten in de Bueree. Aarden, as dat Treckhaupeerd finnt sik in unbannig grote Swarms tohopen un könnt up ehren Weg ganze Aarnten to Schannen maken.

SystematikÄnnern

Familie vun de Feldhaupeer (Acrididae)Ännern

BelegeÄnnern

  1. Köhler, G. (2001): Fauna der Heuschrecken des Freistaates Thüringen. Naturschutzreport 18: 83–86.
  2. Schädler, M. (2009): Ein neues Vorkommen des Zwerggrashüpfers, Stenobothrus crassipes (CHARPENTIER, 1825) (Caelifera, Acrididae), in Deutschland. Entomologische Nachrichten und Berichte.

WeblenkenÄnnern

  Feldhaupeer. Mehr Biller, Videos oder Audiodateien to’t Thema gifft dat bi Wikimedia Commons.