(596) Scheila
(596) Scheila is en Asteroid ut den Hööftgördel, de an’n 21. Februar 1906 vun den düütschen Astronom August Kopff in Heidelbarg opdeckt worrn is. De Asteroid driggt den Naam vun en engelsche Studentin in Heidelbarg, mit de de Opdecker bekannt weer[1].
| (596) Scheila | |
 | |
| Egenschoppen vun’n Orbit (Simulatschoon) | |
|---|---|
| Orbitklass | Hööftgördel |
| Grote Halfass | 2,929 AE |
| Perihel — Aphel | 2,450 — 3,407 AE |
| Bahnexzentrizität | 0,1633 |
| Bahnnegen gegen de Ekliptik | 14,661 ° |
| Ümlooptiet | 5,01 a |
| middlere Bahnsnelligkeit | 17,3 km/s |
| Physikaalsch Egenschoppen | |
| Dörmeter | 159,7 km |
| Rotatschoonsduer | 15,848 h |
| Albedo | 0,040 |
| Historie | |
| opdeckt vun | A. Kopff |
| an’n | 21. Februar 1906 |
| in | Heidelbarg |
| Annere Beteken | A906 DL, 1949 WT |
In’n Rahmen vun’t Catalina Sky Survey is an’n 11. Dezember 2010 vun Steve Larson en Oort Steert opdeckt worrn, de jüstz so as de Koma vun en Komeet utsütt. De harr en schienbore Helligkeit vun ruchweg 13,5 mag[2]. Bi’t Dörkieken vun Archiv-Biller is kloor worrn, dat disse Koma in de Tiet twüschen den 11. November un den 3. Dezember 2010 entstahn is[3]. Biller vun’t 2 m-Teleskop op Hawaii wiest en Steert, de vun de Sünn wegwiesen deit, as ok ’n tweeten Steert in Richt vun de Bahn[4].
Dat weer eerst nich kloor, wat dat dormit op sik harr und dat künn nich utslaten warrn, dat (596) Scheila in Wohrheit an slapen Komeet weer. Ünnersöken mit dat Hubble-Teleskop un mit dat UV-optische Teleskop (UVOT) vun den Satellit Swift hebbt aver keen Gasen nawiesen künnt, de för Kometen tyypsch sünd. An’n wohrschienlichsten is dorüm intwüschen, dat de Steerten dat Resultat vun en Impakt vun en annern Körper wesen sünd[5][6]
Kiek ok
ännernBorns
ännern- ↑ Dictionary of Minor Planet Names, Springer; afropen an’n 31. Mai 2019
- ↑ Comet-like appearance of (596) Scheila vun Ernesto Guido & Giovanni Sostero vun’n 12. Dezember 2010; afropen an’n 12. Dezember 2010
- ↑ A Comet Masquerading as an Asteroid vun Mike Simonsen op Simostronomy (blog) vun’n 12. Dezember 2010; afropen an’n 12. Dezember 2010
- ↑ Richard Miles’s posting on Yahoo minor planet mailing list (MPML)
- ↑ D. Jewitt, H. Weaver, M. Mutcher, M. Larson & J. Agarwal: Hubble Space Telescope Observations of Main Belt Comet (596) Scheila, ApJL, 2011, arxiv=1103.5456, bibcode = 2011arXiv1103.5456J
- ↑ D. Bodewits, M.S. Kelley, J.-Y. Li, W.B. Landsmann, S. Besse & M.F. A’Hearn: Collisional Excavation of Asteroid (596) Scheila, APLJL, 2011, arxiv=1104.5227