(887) Alinda
| (887) Alinda | |
| Egenschoppen vun’n Orbit (Simulatschoon) | |
|---|---|
| Orbitklass | NEA (Amor) |
| Grote Halfass | 2,476 AE |
| Perihel — Aphel | 1,067 — 3,886 AE |
| Bahnexzentrizität | 0,5691 |
| Bahnnegen gegen de Ekliptik | 9,385 ° |
| Ümlooptiet | 3,90 a |
| middlere Bahnsnelligkeit | 18,9 km/s |
| Physikaalsch Egenschoppen | |
| Dörmeter | 4,2 km |
| Rotatschoonsduer | 73,97 h |
| Albedo | 0,31 |
| Historie | |
| opdeckt vun | Max Wolf |
| an’n | 3. Januar 1918 |
| in | Heidelbarg |
| Annere Beteken | A918 AA |
(887) Alinda is en Asteroid ut de Grupp vun de Eerdneegen Asteroid un tellt to den Amor-Tyyp. He is an’n 3. Januar 1918 vun den düütschen Astronom Max Wolf in Heidelbarg opdeckt worrn.
De Naam vun den Asteroid kummt villicht vun den „Mann in’n Maand”, en mythologische Figur vun de austraalschen Aborigines. En annere Düden beseggt, dat de Asteroid na de antike Stadt Alinda in Lüttasien nöömt is[1].
(887) Alinda is Naamgever för en Koppel vun Asteroiden mit glieke Egenschoppen. Se tekent sik dordör ut, dat se in en 3:1-Bahnresonanz mit Jupiter staht un gliektietig in en 1:4-Resonanz mit de Eer. Dat heet, dat disse Asteroiden in een Jupiter-Ümloop dreemol üm de Sünn loopt, un eenmol in veer Eerdjohren üm de Sünn kreist. Dör de Jupiter-Resonanz warrt jemehr Bahn stört, wat to en jümmer gröttere Exzentrizität föhrt, so lang bit de Resonanz oplööst warrt, wenn de Asteroid neeg en binneren Planet vörbilööpt.
Kiek ok ännern
Borns ännern
- ↑ Dictionary of Minor Planet Names, Springer; afropen an’n 10. April 2019