(9) Metis
| (9) Metis | |
| Egenschoppen vun’n Orbit (Simulatschoon) | |
|---|---|
| Orbitklass | Hööftgördel |
| Grote Halfass | 2,3865 AE |
| Perihel — Aphel | 2,0954 — 2,6775 AE |
| Bahnexzentrizität | 0,2195 |
| Bahnnegen gegen de Ekliptik | 5,5763 ° |
| Ümlooptiet | 3,6867 a |
| middlere Bahnsnelligkeit | 17,63 km/s |
| Physikaalsch Egenschoppen | |
| Dörmeter | 190 km |
| Masse | ~9×1018 kg |
| Middlere Dicht | ~2,7 g/cm³ |
| Rotatschoonsduer | 5,979 h |
| Albedo | 0,139 ? |
| Historie | |
| opdeckt vun | Andrew Graham |
| an’n | 25. April 1848 |
| in | Markree Castle in’t County Sligo, Irland |
(9) Metis (Astronoomsch Teken: .svg){kind=small}
) is en Asteroid ut de Hööftgördel, de an’n 25. April 1848 vun de irisch Astronom Andrew Graham in’t Markree Castle im County Sligo, Irland opdeckt wurrn is. Dat weer de eenzigst Asteroid, de he opdeckt hett. De Naam betreckt sück up de greeksch Göddin Metis, de Moder vun Pallas Athene.
Metis bewegt sück in en Afstand vun 2,0954 (Perihel) bit 2,6775 (Aphel) astronoomsch Einheiten, in 3,6867 Johren up en exzentrischen Bahn um de Sünn. De Bahn is 5,5763° tegen de Ekliptik geneigt, de Bahnexzentrizität bedroggt 0,2195.
Metis hett en Dörmeter van 190 km. Se roteert in ruch weg 5 Stünnen üm de eegen Ass. De Albedo bedroggt 0,139. Bi de Oppositschoon hett Metis en Helligkeit vun 9,1 mag un is dormit en vun de hellste Asteroiden an de Nachthimmel. Sehn kann man de Asteroid aber blots mit en Teleskop oder en lichtstark Prismenfeernglas.
Utwertungen vun de Lichtkurven vun Metis geven Anlaat to de Vermutung, dat de Asteroid noch en Satellit hett, bestätigt wurrn is dat aber noch nich. In’ Gegendeel: 1993 wurr Metis mit Hülp vun dat Hubble-Teleskop beobacht. Dorbit hebbt se faststellen kunnt, dat de Asteroid en unregelmatig Form hett, Satelliten wurrn dorbi aber nich funnen.