Aßlermoor

Wapen/Flagg Koort
hett keen Wapen
Aßlermoor
Laag vun Aßlermoor in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04146
Geograafsche Laag:
Koordinaten:53° 40′ N, 9° 24′ O
53° 40′ N, 9° 24′ O

Aßlermoor (hoochdüütsch Asselermoor) is en Oort in de Gemeen Drochters in’n Landkreis Stood, Neddersassen.

GeografieÄnnern

Aßlermoor liggt in’t Kedener Moor. In’n Süden von Aßlermoor liggt dat Naturschuulrebeed Wille sien Heid. Dichtbi in Bützfletermoor liggt ok de Roodslammdeponie von dat AOS-Wark in Bützfleet.

De Naveröörd sünd Ritsch in’n Noorden, Aßel, Weth un Barnkroog in’n Noordoosten, Depenbeek un Bossel in’n Oosten, Bützfletermoor in’n Süüdoosten, Groot-Steernbarg in’n Süüdwesten, Ritschermoor un Gauensiekermoor in’n Westen un Drochters in’n Noordwesten.

HistorieÄnnern

Aßlermoor hett al von öllers mit to Aßel höört.

De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.

Aßlermoor is an’n 1. Juli 1972 bi de Gemeenreform in Neddersassen tohoop mit Aßel Deel von de Gemeen Drochters worrn.

InwahnertallÄnnern

Johr Inwahners
1824-00-001824[1] 34 Füürsteden

ReligionÄnnern

Aßlermoor is evangeelsch-luthersch präägt un höört to dat Kaspel Aßel.

För de Kathoolschen is de Hillig-Geist-Kark in Stood tostännig.

KulturÄnnern

VerenenÄnnern

Aßlermoor hett en egen Freewillige Füürwehr, de an’n 25. September 1930 grünnt worrn is. Toeerst weer dat blots en Löschgrupp von de Füürwehr in Aßel, is aver 1986 en egen Oortswehr worrn.

Weertschop un InfrastrukturÄnnern

VerkehrÄnnern

Aßlermoor liggt an de Kreisstraat 27, de in’n Süüdoosten na Bützfletermoor un Stodermoor geiht un in’n Noordwesten na Ritschermoor, Gauensiekermoor un Drochtersermoor löppt. Von de K 27 gaht in Ritschermoor na Süüdwesten de K 3 na Groot-Steernbarg, Himmelpoorten un Hammoh af un na Noordoosten de K 28 na Ritsch an de Landsstraat 111.

De nächsten Bahnhööv sünd in Himmelpoorten, Hammoh un Stood an de Nedderelvbahn von Cuxhoben na Hamborg, de all dree so bi teihn Kilometer weg sünd. Fröher weer dat von 1899 bet 1933 de Bahnhoff in Aßel an de Kedener Kreisbahn.

ScholenÄnnern

De Kinner gaht na Grundschool op de Grundschool Aßel un later veel na de Kooperative Gesamtschool Drochters oder op Gymnasium na de Vincent-Lübeck-School in Stood.

Fröher harr dat Dörp en egen Volksschool, de aver 1969 dichtmaakt hett, nadem de ne’e School in Aßel trech weer.

FootnotenÄnnern

  1. C. H. Jansen: Statistisches Handbuch des Königreichs Hannover. 1824, Sied 28: http://books.google.de/books?id=tG0AAAAAcAAJ&pg=PA28