Stodermoor

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Stood
Inwahners:
Postleettall:	21683
Vörwahl:	04141
Geograafsche Laag:	53° 38′ N, 9° 26′ O

Stodermoor (hoochdüütsch Stadermoor) is en Oort in de Gemeen Stood in’n Landkreis Stood, Neddersassen.

Roodslammdeponie bi Stodermoor, en Deel von’n Oort is in’n Vörgrund to sehn

Geografie

Dat Water ut dat Rebeed flütt in’n Noordoosten över de Bützfleter Lannern un den Bützfleter Kanaal af, in’n Oosten över de Röhrwettern un den Hörn-Götzdörper Kanaal un in’n Süden över de Haschenfleter Wettern.

De Naveröörd sünd Bützfletermoor in’n Noorden, Bützfleet in’n Noordoosten, Götzdörp in’n Oosten, Snee, Stood, Schölisch un Hogenwedel in’n Süüdoosten, Hahl un de Hööv Bockhorst un Steernbarg in’n Süden, Haddörp in’n Süüdwesten un Groot-Steernbarg un de Hoff Villah in’n Westen.

Historie

Verwaltungsgeschicht

De Oort hett vör 1852 to de Vaagdie Schölisch in dat Amt Wischhoben tohöört un is bi de Verwaltungs- un Justizreform an’n 1. Oktober 1852 in dat Königriek Hannover dör Verordnung von’n 28. September 1852 an dat Amt Stood kamen. In dat Amt Stood weer de Oort von 1852 bet 1859 un denn von 1859 bet 1885 in dat Amt Himmelpoorten. Dat Amt Himmelpoorten is 1885 denn in’n Kreis Stood opgahn un de 1932 tohoop mit de Kreise Jörk un Keden in’n ne’en, grötteren Kreis Stood.

Inwahnertall

Johr	Inwahners
1824-00-001824	13 Füürsteden
1871-12-011. Dezember 1871	116 Lüüd, 19 Hüüs

Religion

Stodermoor is evangeelsch-luthersch präägt un höört to dat Kaspel von de Cosmae-Kark in Stood. Fröher hett de Oort to de Wilhadi-Kark in Stood tohöört.

För de Kathoolschen is de Hillig-Geist-Kark in Stood tostännig.

Weertschop un Infrastruktur

In’n Noordwesten von Stodermoor liggt de 1.130 m × 1.525 m grote Roodslammdeponie von dat AOS-Wark in Bützfleet.

Verkehr

Dör Stodermoor löppt de Kreisstraat 27, de in’n Süüdoosten na Schölisch geiht un in’n Noordwesten dör de Mooröörd Bützfletermoor, Aßlermoor, Ritschermoor, Gauensiekermor, Drochtersermoor un Aschhornermoor na Drochters to. In’n Westen geiht de Kreisstraat 80 na Groot-Steernbarg.

De nächste Autobahn is de Autobahn 26 (Afsnidd Stood–Hamborg). De Opfohrten 2 Stood-Süüd un 3 Stood-Oost doot so ölven Kilometer in’n Süüdoosten von Stodermoor liggen.

De nächste Bahnhoff is so bi söven Kilometer wied weg in’n Süüdoosten de Bahnhoff Stood an de Nedderelvbahn.