Aguacate Lagoon

Aguacate Lagoon is en üm un bi 13 Hektar groten See in’n Distrikt Cayo von Belize un en 115 Hektar groot privaat Naturschuulrebeed (Nature reserve) rund üm’n See.

De Lagoon 2013

Geografie

De See liggt an’n Noordwestrand von Spanish Lookout. De Cadena Creek, de von Süüdwesten kummt, flütt dör’n See un geiht denn wieder na Noordoosten üm na en poor Kilometer in’n Crique Negro/Yalbac Creek to münnen.

Bi de Lagoon doot ok noch en tweten lüttjeren See un en Cenote (Green Hole Cenote) liggen. Dat Rebeed liggt op üm un bi 96 Meter över de See.

Dat Gelänn besteiht ut Savann, Farmland, Sump un ut subtropisch Holt.

De Lagoon is vör allen Levensruum för en ganze Reeg von Vagels.

Geschicht

Dat Rebeed von Spanish Lookout in’n Süüdoosten von’n See is siet 1958 von Mennoniten bewahnt, de dor ut Mexiko hentagen sünd. Se leevt as Farmers. „Aguacate“ is dat spaansche Woord för Avocado.

Dat Rebeed is 1987 to en privaat Schuulrebeed verkloort worrn.