Spanish Lookout
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 2.253 (2010) | |
| Geograafsche Laag: | Koordinaten:17° 15′ N, 89° 0′ W17° 15′ N, 89° 0′ W | |
|
| ||
Spanish Lookout is en Gemeen in’n Distrikt Cayo in Belize. De Inwahners sünd vör allen Mennoniten, de Plautdietsch snacken doot.
Geografie ännern
De Oort liggt an dat Noordöver von’n Belize River. Dat Water flütt över lüttjere Waterlööp so as Iguana Creek un Tryntsje Strom na’n Belize River af. In’n Noordwesten liggt de Aguacate Lagoon.
De Naveröörd sünd Los Tambos un Selena in’n Noorden, Buena Vista un Iguana Creek in’n Oosten, Blackman Eddy un Unitedville in’n Süüdoosten, Georgeville un Central Farm in’n Süden, Duck Run I un Billy White in’n Süüdwesten un Duck Run II un Duck Run III in’n Westen.
Historie ännern
De Oort is 1958 von 75 Mennoniten-Familien von de Klene Gemeen grünnt worrn, de ut de Quellen Colony in Chihuahua, Mexiko, utwannert sünd.
En Deel von de Mennoniten is later wedder afwannert na Manitoba un Neeschottland in Kanada, aver de Mennonitengemeen is liekers jümmer mehr wussen.
Inwahnertall ännern
| Johr | Inwahners |
|---|---|
| 2000[1] | 1.786 Lüüd, 354 Huushollen |
| 2010[2] | 2.253 Lüüd, 482 Huushollen |
Weertschop un Infrastruktur ännern
De Mennoniten von Spanish Lookout bedrievt vör allen Anbo von Grööntüüg, vondaag aver ok de Höhnertucht, de Produkschoon von Eier un Melk un de Rinnertucht.
Ok in de Möbelprodukschoon un bi’n Hannel mit Landmaschinen sünd de Mennoniten aktiv.
2005 is in dat Rebeed ok Eerdööl funnen worrn, dat vondaag fördert un över’n Haven von Big Creek (bet 2013 över’n Commerce Bight Port) exporteert warrt.
Verkehr ännern
Von Spanish Lookout föhrt in’n Süüdoosten de Iguana Creek Road na Blackman Eddy an’n George Price Highway un in’n Süüdwesten de Santa Familia Road över Santa Familia un Bullet Tree Falls na San Ignacio un dor ok an’n George Price Highway. De Oort is över en Fähr över’n Belize River ok direkt mit Central Farm verbunnen.
De Highway löppt in’n Süüdwesten na Benque Viejo del Carmen un an de Grenz na Guatemala un in’n Noordoosten över Belmopan na Belize-Stadt.
In’n Oort gifft dat den Spanish Lookout Airstrip.
Literatur ännern
- Heinrich Penner, John D. Reimer, Leonard M. Reimer: Spanish Lookout since 1958 - Progress in Action. Spanish Lookout 2008
Footnoten ännern
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
Weblenken ännern
- Websteed von Spanish Lookout (engelsch)
Arenal | Armenia | Belmopan | Benque Viejo del Carmen | Billy White | Blackman Eddy | Buena Vista | Bullet Tree Falls | Calla Creek | Camalote | Central Farm | Cotton Tree | Cristo Rey | Duck Run 1 | Duck Run 2 | Duck Run 3 | Esperanza | Frank’s Eddy | Georgeville | La Gracia | Los Tambos | Lower Barton Creek | More Tomorrow | Ontario | Paslow Falls | Ringtail | Roaring Creek | San Antonio | San Ignacio/Santa Elena | San Jose Succotz | Santa Familia | Santa Martha | Selena | Seven Miles | Spanish Lookout | St. Matthew’s | Teakettle | Unitedville | Upper Barton Creek | Valley of Peace