Amiens
Dit Woort hett noch annere Bedüden: kiek dorför ünner Amiens (Mehrdüdig Begreep).
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 49,46 km² | |
| Inwahners: | 137.000 (1. Januar 2005) | |
| Inwahnerdicht: | 2.769,9 Inwahners pro km² | |
| Hööchd: | 33 m över de See | |
| Postleettall: | 80000 | |
| Geograafsche Laag: | Koordinaten:49° 32′ N, 2° 11′ O49° 32′ N, 2° 11′ O | |
| Grenzen bi OSM: | 114347 
| |
| Gemeenslötel: | 80021 | |
| Börgermeester: | Gilles Demailly | |
| Websteed: | www.amiens.fr | |
| ||
Amiens [a.ˈmjɛ̃] is de Hööftstadt vun den franzööschen Bezirk Somme un de Region Picardie. Se hett üm un bi 137.000 Inwahners op en Flach vun 49,46 km² un liggt so wat 115 Kilometers noorden vun Paris direktemang an den Stroom Somme. De Stadt liggt op en Hööch vun 14 m bet 106 m över NN bi en Dörsnittshööch vun 33 m.
Historie
ännernNa ene Fundsteed vun Fuustkielen in Saint-Acheul, en hüdigen Vöroort vun Amiens, is de Acheul-Tiet in de Ooltsteentiet nöömt.
In de Tiet vun de Gallier weer de Oort as Samarobriva Hööftstadt vun den Stamm vun de Ambianer. De Oort heet denn ok, nadem Caesar em 54 v. Chr. innahmen harr, Ambianum.
In’n Winter 334 schall de Hillige Martin an’t Door vun Amiens sienen Mantel mit en Pracher deelt hebben. 1127 kreeg Amiens Stadtrecht.
Amiens entwickel sik siet dat 18. Johrhunnert to en wichtigen Industrieoort, besünners vun de Textilindustrie.
1803 sloten England un Frankriek hier den Freed vun Amiens, de aver nich vun Duer weer. 1848 hebbt se de eerste Iesenbahn na Amiens boot, de na Boulogne-sur-Mer föhr.
Vun 1888 bet to sien Dood 1905 weer Jules Verne Stadtraat in Amiens.
In’n Eersten Weltkrieg weer in de Neeg vun Amiens de Slacht an de Somme. In’n Tweten Weltkrieg kreeg de Stadt swore Schadens af. Dat Stadtbild is hüüt vun’n Wedderopbo in de 1950er Johren präägt.
De Stadt is siet dat 6. Johrhunnert Seet vun’t Bisdom Amiens un vun de Universität Picardie un hett mit de Kathedraal vun Amiens en temlich bedüden Bowark ut de Gotik.
To de Partnerstäder vun Amiens höört Düörpm un Görlitz in Düütschland un Darlington in Grootbritannien.
Börgermesters vun Amiens weren:
- 1971-1989: René Lamps
- 1989-2002: Gilles de Robien
- 2002-2007: Brigitte Fouré
- 2007-2008: Gilles de Robien
- siet 2008: Gilles Demailly
Weblenken
ännern- Websteed vun de Stadt (franzöösch)