Argentit

Argentit (fröher ok as Sülvergleem begäng) is en Ierz ut de Mineralklass vun de Sulfiden un Sulfosolten mit en Stoffproportschoon Metall:Swevel (Selen, Tellur) > 1:1. Dat Mineral kristalliseert in’m kuubschen Kristallsystem mit de Tohopensetten Ag₂S un billt tomeist wörpelförmig bit oktaedrische Kristallen, Dendriten oder ok massige Gestalt vun grau bit swatte Klöör.

Argentit
Argentit-Kristall
Cheemsch Tohopensetten	Ag2S
Mineralklass	Sulfid, Sulfosolt 2.BA.30a (na Strunz, 9. Oplaag) 2.0.0.0 (na Dana)
Kristallsystem	kuubsch
Klöör	swatt, grau
Streekklöör	bliegrau
Mohshard	2 bit 2,5
Dicht (g/cm³)	7,1
Gleem	Metallgleem
Transparenz	undörsichtig
Brook	uneven
Splitten	undüüdlich na {001} un {110}
Indruck	kuubsch, oktaedrisch Kristallen; Dendriten; massig
faken Kristallflachen
Tweeschenbilden
Kristalloptik
Breektall
Dubbelbreken (optisch Utrichten)
Pleochroismus
Winkel/Dispersion vun de optischen Assen	2vz ~
annere Egenschoppen
Phaaswesseln
Smöltpunkt
cheemsch Verhollen
lieke Mineralen	Akanthit
Radioaktivität	nich radioaktiv
Magnetismus	nich magnetsch
sünnerlich Kennteken

Argentit kummt nich so faken vör. Cheemsch sehn is dat en Sülversulfid, dat to 87 % ut Sülver besteiht. Tomehrst bargt Argentit ok lütte Andelen an Blie, Kopper oder Iesen.

Naam

Nöömt is dat Mineral na dat latiensch Woort argentum för Sülver.

Modifikatschoon

Elementarzell vun Argentit.

Argentit is en Hoochtemperatur-Modifikatschoon, de blots bit to en Temperatur vun 173°C bestännig is. Wenn dat Mineral wieter afköhlt, wannelt sik dat in monoklin Akanthit üm, de aver faken de butere Kristallform bibehollt (Paramorphoos).

Vörkamen

Argentit entsteiht hydrothermal in Sülverierz-Gäng, tomeist in Sellschop mit Akanthit, Sülver, Pyrargyrit un verscheeden annere Sülversulfiden.

Vörkamen gifft dat ü.a. in Düütschland bi Freiberg, Schneeberg, in’n Swartwoold un de Ierzbargen. In’t Utland sünd Vörkamen in Mexico, Peru, Norwegen, Spanien, Tschechien, Ungarn un op Sardinien.

Morphologie

Argentit stellt sik faken in vertogen, mannigfaltig grupperte, reguläär Kristallen dor. Faken wiest dat en hoor, draht-, boomförmig, knütt oder tähnig Form op. Bito kummt dat ok in plattig, eerdig oder massige Gestalt vör oder as Anflaag in annere Metallen vör. In de Form is dat Argentit aver tomeist düchtig unrein (Sülverswart).

Verwennen

Neven dat Akanthit is Argentit en vun de bedüdensten Rohstoffen för’t Winnen vun Sülver.