Augustenhoff
De Augustenhoff (hoochdüütsch Augustenhof) is en Hoff, de to dat Dörp Heeßel in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen, höört.
Geografie ännern
De Oort liggt op de Loomster Geest. Dat Water ut dat Rebeed flütt över’n Heeßeler Möhlengraven na de Oost hen af.
De Naveröörd sünd de Herrlichkeit un Hemmoor in’n Noorden, Warstood in’n Oosten, Wedelsforth in’n Süüdoosten, Heeßel mit Pulvermöhl un Schuppenfeld in’n Süden, Bröckelbeek in’n Westen un Westersood in’n Noordwesten.
Historie ännern
De Augustenhoff is 1933 grünnt worrn.[1] In dat Johr hett Hermann Karsten dor en Wahnhuus boot.[1] Karsten harr 1898 den Hoff Wedelsforth köfft.[1] Op den 85 Hektar groten Hoff hett he bet 1914 wertschop.[1] In dat Johr hett em de Hemmoor Zement AG den Hoff afköfft un Karsten is in en Huus an’n Karkplatz in Warstood tagen.[1] 23,5 Hektar Land op’n Hungerkamp in’n Noorden von Heeßel hett he aver behollen.[1] Dat weer allens Öödland.[1] 1918 hett he anfungen, dat Öödland to kultiveren.[1] De Hoffsteed an’n Karkplatz weer aver lütt un ok en Stück weg von dat Land.[1] Dorüm hett Karsten 1927 eerst en Schüün an de Steed von’n hüdigen Augustenhoff boot un denn 1933 dat Wahnhuus.[1] Kort na 1933 is Hermann Karsten doodbleven un sien Söhn Waldemar hett den Hoff övernahmen.[1] He is 1938 to’n Arbeidsdeenst un 1939 na de Wehrmacht intagen worrn. Von 1938 bet 1945 müss Waldemar siene Moder Auguste Karsten den Hoff bewirtschaften.[1] Von ehr hett de Hoff ok sien Naam kregen.[1]
1945 is de Hoff deelwies afbrennt un denn bilütten wedder opboot worrn.[1] 1977 is de Bedriev in de Bullenmast instegen mit toeerst 52 Mastplätz.[1] 1981 hett Waldemar sien Söhn den Hoff övernahmen.[1] De Hoff harr to de Tied 54 Hektar.[1] De Bullenmast is toeerst op 104 Mastplätz utboot worrn un denn op 202.[1] 1996 hett de Hoff al 101,5 Hektar Land bewirtschaft.[1] In dat Johr is dor ok en Boxenloopstall tokamen.[1]
Religion ännern
De Augustenhoff is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur ännern
Verkehr ännern
De Augustenhoff liggt dicht bi de Kreisstraat 28, de in’n Noorden na Westersood un Hemmoor an de Bundsstraat 73 ran geiht un in’n Süden na Heeßel an de B 495. De B 495 geiht in’n Süden na Loomst un Bremervöör un de B 73 in’n Noordwesten na Kumbarg, Oterndörp un Cuxhoben un in’n Süüdoosten över Heckthusen un Himmelpoorten na Stood.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 32 Kilometer in’n Süüdoosten von’n Augustenhoff.
De nächste Bahnhoff is so knapp veer Kilometer wied weg in’n Oosten de Bahnhoff Hemmoor an de Nedderelvbahn.
Footnoten ännern
Weblenken ännern
- Websteed över den Hoff (hoochdüütsch)
Koordinaten:53° 41′ N, 9° 7′ O