Herrlichkeit

Oort in’n Landkreis Cuxhoben, Neddersassen

Dit Woort hett noch annere Bedüden: kiek dorför ünner Herrlichkeit (Bremen).

Wapen/Flagg Koort
hett keen Wapen
Herrlichkeit
Laag vun Herrlichkeit in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Hemmoor
Inwahners:
Postleettall: 21745
Vörwahl: 04771
Geograafsche Laag:
Koordinaten:53° 42′ N, 9° 8′ O
53° 42′ N, 9° 8′ O

Karte

De Herrlichkeit (hoochdüütsch Herrlichkeit) is en Oortsdeel in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. Binnen de Gemeen höört dat deelwies to Westersood un deelwies to Warstood.

Luftbild von de Herrlichkeit von Süüdwesten keken (2013)

Geografie ännern

De Oort liggt op de Loomster Geest. Dat Water ut dat Rebeed flütt över Gravens in de Süderwettern un över dat Swengsielfleet in de Oost. Dat Water ut dat Rebeed in’n Süden von de Herrlichkeit flütt aver na’n Heeßeler Möhlenbeek af.

In’n Noordoosten liggt de Kriedsee.

De Naveröörd sünd Warstood in’n Noordoosten, Basbeek in’n Süüdoosten, Wedelsforth, Heeßel un de Augustenhoff in’n Süden, Bröckelbeek in’n Süüdwesten un Westersood un Ooldhemmoor in’n Noordwesten.

Historie ännern

De Westersoder Herrlichkeit is de öllere Deel. Eerst later sünd ok op de Warstoder Sied Hüüs boot worrn. De ole Grenz twüschen Westersood un Warstood is de hüdige Grenzweg.

Wussen is de Oortsdeel vör allen dör dat Zementwark von de Hemmoor Zement AG, dat 1862 blots en lütt Stück in’n Noorden anleggt worrn is.

Op de Herrlichkeit liggt ok dat Ümspannwark Hemmoor.

Dat Gräverfeld twüschen Warstood un Westersood, dat bi de Arbeiden in dat Zementwark utgraavt worrn is un bi dat de eersten Hemmoorer Ammels funnen worrn sünd, hett ok bet na de Herrlichkeit reckt.

Verwaltungsgeschicht ännern

De Oort weer vör 1859 in de Böörd Loomst von’t Amt Bremervöör, denn von 1859 bet 1885 in dat Amt Oosten un na 1885 in’n Kreis Neehuus. 1932 is dat Deel von’n Kreis Land Hadeln worrn un 1977 denn von’n Landkreis Cuxhoben.

De Oort weer jümmer Deel von de Gemeen Westersood, de an’n 1. Juli 1968 Deel von de Gemeen Hemmoor worrn is.

Inwahnertall ännern

Johr Inwahners
1885-12-011. Dezember 1885[1] 117 Lüüd, 15 Hüüs
1905-12-011. Dezember 1905[2] 308 Lüüd, 30 Hüüs

Religion ännern

De Herrlichkeit is evangeelsch-luthersch präägt un höört to dat Kaspel von de Christus-Kark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

De Doden warrt op’n Karkhoff Westersood begraven.

Kultur ännern

Verenen ännern

De Schüttenvereen Warstood-Herrlichkeit, de 1889 grünnt worrn is, hett sik ut Mangel an Liddmaten un Geld to’n 31. März 2017 sülvs oplööst.

Weertschop un Infrastruktur ännern

För de Herrlichkeit sünd de freewilligen Füürwehrn Westersood un Warstood mit tostännig.

Verkehr ännern

De Herrlichkeit liggt nich wied af von de Bundsstraat 73, de in’n Noordwesten na de Wingst un Kumbarg geiht un in’n Süüdoosten na Heckthusen un Stood. In’n Süden krüüzt de B 495 de B 73. De B 495 geiht in’n Noordoosten över de Oostbrügg Oosten na Oosten un Wischhoben un in’n Süüdwesten na Loomst un Bremervöör.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 32 Kilometer in’n Süüdoosten von de Herrlichkeit an de B 73. De A 27 (Afsnidd CuxhobenBremerhoben) is üm un bi 40 Kilometer wied weg.

De nächste Bahnhoff is so bi veer Kilometer wied weg in’n Süüdoosten de Bahnhoff Hemmoor an de Nedderelvbahn von Cuxhoben na Hamborg.

Footnoten ännern

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128