Bahnhoff Wehdel
De Bahnhoff Wehdel is en Bahnhoff mit een Gleis in dat Dörp Wehdel. De Bahnhoff liggt an de Bahnlien Bremerhoben–Buxthu.
De Bahnhoff liggt in’n Noorden von’n Oort an de Oolluunbarger Straat (K 59).
Historie
ännern1898 is de Bahnlien Bremerhoben–Stood boot worrn. To de Tied is ok de Bahnhoff Wehdel inricht worrn. De Bahnhoff is en poor hunnert Meter in’n Noordoosten von dat Dörp anleggt worrn. Mit de Tied sünd denn üm’n Bahnhoff rüm jümmer mehr Hüüs boot worrn.
Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.
De Afkörten in dat Bahnamtliche Betriebsstellenverzeichnis is AWHD[1] un de Internatschonale Bahnhoffsnummer 606130.
De Bahnhoff hett en Siedenbahnstieg an de Süüdsied. Dat gifft en Park&Ride-Anlaag för Autos mit dree Parkplätz un en Bike&Ride-Stellplatz mit üm un bi 40 Plätz för Fohrrääd.[2]
Personenverkehr
ännern| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten
ännern- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Wehdel bi evb.de
Koordinaten:53° 31′ N, 8° 48′ O