Bahnhoff Örel
De Bahnhoff Örel is en Bahnhoff mit een Gleis bi dat Dörp Örel. De Bahnhoff liggt an de Bahnlien Bremerhoben–Buxthu.
De Bahnhoff liggt en beten mehr as een Kilometer in’n Noordwesten von Örel an de Kreisstraat 116. Nadem de Bahnhoff op free Feld anleggt worrn is, sünd in de Tied sietdem aver ok en Reeg Hüüs an’n Bahnhoff boot worrn.
Historie
ännern1898 is de Bahnlien Bremerhoben–Stood boot worrn. To de Tied is ok de Bahnhoff Örel inricht worrn.
Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.
De Afkörten in dat Bahnamtliche Betriebsstellenverzeichnis is AOE[1] un de Internatschonale Bahnhoffsnummer 604794.
De Bahnhoff hett en Siedenbahnstieg an de Süüdsied. Dat gifft keen Park&Ride-Anlaag för Autos, aver en Bike&Ride-Stellplatz mit 10 Plätz för Fohrrääd.[2]
Personenverkehr
ännern| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten
ännern- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Örel bi evb.de
Koordinaten:53° 30′ N, 9° 2′ O