Bahnhoff Ruschwedel
De Bahnhoff Ruschwedel is en Bahnhoff mit een Gleis in dat Dörp Ruschwedel. De Bahnhoff liggt an de Bahnlien Bremerhoben–Buxthu. De Bahnhoff höört to’n HVV.
He liggt in’n Süden von dat Dörp an de Ruschwedeler Straat.
Historie ännern
1928 is de Bahnlien Buxthu–Harsfeld boot worrn (de vondaag Deel von de Bahnlien Bremerhoben–Buxthu is). To de Tied is ok de Bahnhoff Ruschwedel inricht worrn. Apenmaakt hett de Bahnlien an’n 22. Dezember 1928. De Personenverkehr twüschen Buxthu un Harsfeld is to’n 31. Mai 1969 instellt worrn. Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Vörher sünd se von Bremerhoben na Stood föhrt. Nu kunnen se von Bremerhoben över Buxthu direkt na Neegraven (mit Ansluss an de Lien S3 von de S-Bahn Hamborg) föhren. Nadem de Lien S3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S3) weer nu Buxthu.
De Afkörten in dat Bahnamtliche Betriebsstellenverzeichnis is ARWD[1] un de Internatschonale Bahnhoffsnummer 599722.
De Bahnhoff hett een Bahnstieg, dat is en Siedenbahnstieg. De Park&Ride-Anlaag hett söss Parkplätz för Autos un de Bike&Ride-Stellplatz üm un bi 15 Plätz för Fohrrääd.[2]
Personenverkehr ännern
| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten ännern
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Ruschwedel bi evb.de
Weblenken ännern
Bahnhoff Ruschwedel. Mehr Biller, Videos oder Audiodateien to’t Thema gifft dat bi Wikimedia Commons.
Koordinaten:53° 27′ N, 9° 34′ O