Beufleet
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 49′ N, 8° 55′ O53° 49′ N, 8° 55′ O | |
|
| ||
Beufleet (hoochdüütsch Beufleth) is en Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
ännernDe Oort liggt in de Masch von de Ünnerelv in Hadeln. Dat Water warrt över Gravens na de Mehm un na’n Haadler Kanaal hen afföhrt.
De Naveröörd sünd Mahrdörp in’n Oosten, Nackenbüttel in’n Süüdoosten, Westerwöörden un Kochenbüttel in’n Süden, Oterndörp in’n Süüdwesten un Mariendaal in’n Westen.
Historie
ännernVerwaltungsgeschicht
ännernDe Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is Beufleet an de Stadt Oterndörp kamen.
Inwahnertall
ännern| Johr | Inwahners |
|---|---|
| 1848[1] | 146 Lüüd, 23 Hüüs* |
| 1. Dezember 1871[2] | 82 Lüüd, 15 Hüüs |
| 1. Dezember 1885[3] | 65 Lüüd, 13 Hüüs |
| 1. Dezember 1905[4] | 52 Lüüd, 13 Hüüs |
- * tohoop mit de Kalkbrenneree Kalkhütt, den enkelten Hoff Mariendaal un de enkelten Hüüs an de Slüüs
Religion
ännernBeufleet is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernFör Beufleet is de freewillige Füürwehr Oterndörp mit tostännig.
Verkehr
ännernBeufleet liggt an en Siedenstraat von de Bundsstraat 73, de in’n Westen över Olenbrook na Cuxhoben geiht un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 17 Kilometer in’n Westen von Beufleet an de B 73.
De nächste Bahnhoff is knapp dree Kilometer wied weg in’n Süüdwesten de Bahnhoff Oterndörp an de Nedderelvbahn von Cuxhoben na Hamborg.
Scholen
ännernDe Kinner ut Beufleet gaht na de Grundschool Oterndörp.
Footnoten
ännern- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68
