Beverst (Oortschop)
Beverst is en polietsche Oortschop binnen de Gemeen Beverst in’n Landkreis Cuxhoben, Neddersassen.
Blangen dat Dörp Beverst sülvs höört to de Oortschop ok de lüttjeren Öörd Deelbrügg, Heyerhöben, Kramelheid, Oosterndörp, Spintenkamp, Taben, Wachholt, Wehldörp un Beverstermöhlen mit to.
Geografie ännern
De Oortschoppen ümto sünd Wolljes in’n Noordoosten, Appeln in’n Oosten, Karkwist in’n Süüdoosten, Wellen in’n Süden, Stubben in’n Süüdwesten, Luunst in’n Westen un Heerst in’n Noordwesten.
Historie ännern
An’n 1. Februar 1971 sünd de dree Gemenen Beverst, Oosterndörp un Wehldörp to de ne’e Gemeen Beverst tohoopslaten worrn. Düsse Gemeen is denn an’n 1. April 1971 ok Maat von de Samtgemeen Beverst worrn. Mit de Gemeenreform in Neddersassen an’n 1. März 1974 sünd tosätzlich noch de Gemenen Wellen un Wolljes tokamen un hebbt sik de Gemeen Beverst anslaten.
An’n 1. November 2011 hett sik de Samtgemeen Beverst to en Eenheitsgemeen tohoopslaten. Dorbi is ut de Gemeen Beverst de Oortschop Beverst worrn, de en Oortsvörsteiher hett. De beiden fröheren Gemenen Wellen un Wolljes sünd dorbi aver egenstännige Oortschoppen worrn.
De Gemeen weer 2010 51,40 km² groot un harr 4.099 Inwahners.
Börgermeesters/Oortsvörsteihers ännern
Börgermeesters:
| Tied | Naam | Partei |
|---|---|---|
| 1986–31. Oktober 2011 | Martin Bensen | SPD |
Oortsvörsteihers:
| Tied | Naam | Partei |
|---|---|---|
| 1. November 2011– | Harald Michaelis | SPD |
Gemeenraad ännern
| Johr \ Partei | Tall | CDU | SPD | FDP |
|---|---|---|---|---|
| 2001 | 15 | 6 | 9 | |
| 2006 | 15 | 6 | 8 | 1 |
Wapen ännern
Dat Wapen von Beverst wiest op gollen Grund över en grönen Schildfoot mit sülvern Wellenlien en swarten Bever mit rode Tung un Klauen.
Utklamüsert hett dat de Heraldiker Gustav Völker.
