Hauptmenü öffnen

GeografieÄnnern

Beverstermöhlen liggt an de Luun.

De Naveröörd sünd Beverst in’n Noordoosten, Wellen in’n Süüdoosten, Bruunshusen in’n Süden, Stubben in’n Süüdwesten, Huh in’n Westen un Lunsheid un Westerbeverst in’n Noordwesten.

HistorieÄnnern

De Watermöhl an de Luun is siet dat Middelöller nawiest. Dat hüdige Gebüüd is üm 1850 rüm anleggt worrn. Üm 1950 rüm hett de Möhl ophöört to mahlen un in de Johren 1970 is de Luun begraadigt un de Möhlendiek toschütt worrn. De Möhl is na disse Tied toeerst verfullen, aver is later denn to en Galerie ümboot worrn.

In dat 17. Johrhunnert hett dat in Beverstermöhlen en lütt Slott geven, dat de Arzbischöp von Bremen tohöört hett. De Adminstrater von dat Arzstift Bremen hett dat 1605 boon laten. Dat weer ok Seet von de Väägd to Beverst. 1696 is dat verfullen Slott as Bomateriaal för dat Huus von de Ridderschop in Basdaal bruukt worrn.

In’n Eersten Weltkrieg sünd dree Soldaten ut Beverstermöhlen fullen oder vermisst[1].

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Amt Bremervöör tohöört. Bi de Verwaltungs- un Justizreform an’n 1. Oktober 1852 in dat Königriek Hannover schull de Oort toeerst bi dat Amt Bremervöör blieven, is denn aver mit Verordnung von’n 28. September 1852 doch noch in dat Amt Beverst wesselt.[2] To dat Amt Beverst hett de Oort von 1852 bet 1859 tohöört un von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

De Oort is 1929 tohoop mit Meyerhoff, Taben, Deelbrügg un Wachholt Deel von de Gemeen Beverst worrn. An’n 1. November 2011 is de ole Gemeen Beverst un de Samtgemeen Beverst denn as Eenheitsgemeen Beverst tohoopgahn. Beverstermöhlen höört nu binnen de Gemeen Beverst to de polietsche Oortschop Beverst.

InwahnertallÄnnern

Johr Inwahners
1812-00-001812[3] 37
1824-00-001824[4] 6 Füürsteden
1848-00-001848[5] 40 Lüüd. 6 Hüüs
1871-12-011. Dezember 1871[6] 49 Lüüd. 8 Hüüs
1910-12-011. Dezember 1910[7] 40

ReligionÄnnern

Beverstermöhlen is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.

För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.

KulturÄnnern

En Denkmaal för de Fullenen ut de twee Weltkrieg’ steiht in Beverst bi de Kark.

Weertschop un InfrastrukturÄnnern

VerkehrÄnnern

Dör Beverstermöhlen löppt de Beverster Möhlenstraat, de in’n Noorden an de Landsstraat 134 ran geiht un över disse Straat mit de Bundsstraat 71 verbunnen is. In’n Süden geiht de Beverster Möhlenstraat na Bruunshusen.

De nächste Autobahn is de Autobahn 27. De Opfohrt 9 Wulsdörp liggt so 16 Kilometer in’n Noordwesten von Beverstermöhlen.

De nächste Bahnhoff is so bi fiev Kilometer wied weg in’n Süüdwesten in Stubben an de Bahnlien Bremen–Bremerhoben.

FootnotenÄnnern

  1. http://www.denkmalprojekt.org/2008/beverstedt_wk1u2_ns.htm
  2. Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102: http://books.google.de/books?id=Q 5OAAAAcAAJ&pg=PA102
  4. C. H. Jansen: Statistisches Handbuch des Königreichs Hannover. 1824, Sied 56: http://books.google.de/books?id=tG0AAAAAcAAJ&pg=PA56
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150: https://books.google.de/books?id=qTZDAQAAMAAJ&pg=RA2-PA150
  7. http://www.gemeindeverzeichnis.de/gem1900/gem1900.htm?hannover/geestemuende.htm