Blattzikaden
De Blattzikaden (Typhlocybinae) sünd en Unnerfamilie vun de Lüttzikaden (Cicadellidae) un höört to de Singzikaden (Cicadomorpha) mit to. Dat hannelt sik um lüttje un zorte Zikaden, de bannig good jumpen könnt.
| Blattzzikaden | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Systematik | ||||||||||||||||||||
| ||||||||||||||||||||
| Wetenschoplich Naam | ||||||||||||||||||||
| Typhlocybinae | ||||||||||||||||||||
| Kirschbaum, 1868 |
Kennteken
ännernOfschoonst Blattzikaden flegen könnt, hefft se meist keen Lüttogen (Ocelli). Dörgahns hannelt sik dat um lüttje, zorte Formen. Faken sünd se bunt mit allerhand verscheden Musters. Meist hefft se lange Flunken, man bi de wecken Aarden sünd de Achterflunken wat körter. De meisten Aarden sünd um 2 Millimeters lang, in Middeleuropa weert se faken nich langer, as 5 mms. De Aarden könnt faken bloß bestimmt weern, wenn een sik den Geslechtsappraat bi de Heken ankickt.
Wie un wo se leven doot
ännern
Allerhand Aarden sünd togange up allerhand Loofholt, to'n Deel sitt se ok an Föhrenplanten, un hoolt sik boven in'e Bööm up. Annere Aarden leevt in'e Kruutschicht, an Strüker un Kruutplanten, Söötgras un Slangenkruut. As all Zikaden suugt de Blattzikaden Plantenssapp un nehmt den mit'n Suugrüssel up. Se suugt dor ut de Zellschichten twuschen de Blatthüde (Mesophyll).
Wie se sik vermehrt un wie se wassen doot
ännernBlattzikaden verpoppt sik nich. Ehre Nymphen slaht al na dat utwussene Deert, bloß, dat se toeerst keen Flunken hefft. Veermol treckt se de Huud ut, ehr, datt se groot sünd. In Middeleuropa gifft dat twee Generatschonen in't Johr, in Süüdeuropa könnt dat ok dree oder mehr ween. Overwintern doot se as Ei.
Taxonomie
ännernWeltwiet gifft dat bi 3240 Aarden in 79 Geslechter. In Europa sünd 382 Aarden in 48 Geslechter beschreven wurrn. De weert nochmol in sess Tribus unnerdeelt. 158 Aarden in 34 Geslechter leevt in Düütschland
Schaden in Land- un Goornboo
ännernAllerhand Aarden könnt as Untüüch sunnerlich an Köken- un Heelkrüder uptreden. Wenn unbannig veel Deerter an en Planten sugen doot, könnt de krank weern un doot gahn.[1]
Literatur
ännern- R. Biedermann & R. Niedringhaus: Die Zikaden Deutschlands – Bestimmungstafeln für alle Arten. Fründ, Scheeßel 2004, ISBN 3-00-012806-9.
- R. Remane & E. Wachmann: Zikaden - kennenlernen, beobachten. Naturbuch Verlag, Augsburg 1993, ISBN 3-89440-044-7.
- H. Nickel: The leafhoppers and planthoppers of Germany (Hemiptera, Auchenorrhyncha): Patterns and strategies in a highly diverse group of phytophagous insects. Pensoft, Sofia and Moskau 2003, ISBN 954-642-169-3.
