Bohnst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 21′ N, 9° 21′ O53° 21′ N, 9° 21′ O | |
|
| ||
Bohnst (hoochdüütsch Bohnste) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Wens mit bi.
Geografie
ännernAn’n Oostrand von Bohnst flütt de Fallohbeek langs, de in’n Noordwesten in de Twiest münnt.
De Naveröörd sünd Wens un Viehbrook in’n Noordoosten, Sellhoop in’n Oosten, Braak, Steddörp un Bötzen in’n Süüdoosten, Heeßel un Meinst in’n Süüdwesten, Tzassenholt in’n Westen un Annerlingen in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is as Deel von de Gemeen Wens bi de Gemeenreform in Neddersassen an’n 1. März 1974 an de Gemeen Heeßel kamen.
Inwahnertall
ännern| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 19 Lüüd, 2 Hüüs |
| 1. Dezember 1871[4] | 21 Lüüd, 3 Hüüs |
Religion
ännernBohnst is evangeelsch-luthersch präägt un höört to dat Kaspel von de Viti-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernBohnst liggt an de Kreisstraat 134, de in’n Süüdwesten na Tzassenholt un Brauel an de Bundsstraat 71 ran geiht un in’n Oosten na Steddörp, Sellhorn un Groot Ippens. Bi Sellhoop krüüzt de K 120 de K 134 un geiht in’n Noorden na Wens un Viehbrook un in’n Süden bi Bötzen an de Landsstraat 124. De L 124 löppt in’n Noordoosten na Ohlers, Harsfeld un Stood un in’n Süüdwesten na Heeßel un Zeven.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 14 Kilometer in’n Süüdoosten von Bohnst.
De nächsten Bahnhööv sünd so bi 16 Kilometer wied weg in’n Noordoosten de Bahnhoff Bargst un de Bahnhoff Harsfeld an de Bahnlien Bremerhoben–Buxthu.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 28: https://books.google.de/books?id=jN5QAAAAcAAJ&pg=RA1-PA28
- ↑ C. H. Jansen: Statistisches Handbuch des Königreichs Hannover. 1824, Sied 72: http://books.google.de/books?id=tG0AAAAAcAAJ&pg=RA1-PA72
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 173: https://books.google.de/books?id=qTZDAQAAMAAJ&pg=RA1-PA173
