Bokel (Gemeen Ahusen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27367 | |
| Vörwahl: | 04269 | |
| Geograafsche Laag: | Koordinaten:53° 3′ N, 9° 17′ O53° 3′ N, 9° 17′ O | |
|
| ||
Bokel (hoochdüütsch Bockel) is en lütten Oort in de Gemeen Ahusen (Samtgemeen Söttmer) in’n Landkreis Rodenborg, Neddersassen. De Oort höört polietsch von öllers bi Ahusen mit bi.
Geografie
ännernDat Water ut dat Rebeed flütt över Gravens na de Wümm hen af.
De Naveröörd sünd Ahusen in’n Noordoosten, Ebersen in’n Süüdoosten, Holbm un Heidkroog in’n Süden, Bredenfellermoor in’n Süüdwesten un Hellweeg in’n Noordwesten.
Historie
ännernBokel is grünnt worrn, nadem dat 1832 in Ahusen en groten Brand geven hett, bi den en Reeg Hööv afbrennt sünd. En Deel von de Hööv is denn utsiedelt.
Verwaltungsgeschicht
ännernDe Oort hett vör 1885 to de Ünnervaagdie Ahusen von de Amtsvaagdie Ahusen in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Gemeen Ahusen is tohoop mit de Gemeen Ebersen an’n 1. März 1974 mit de Gemeenreform in Neddersassen Deel von de vergrötterte Gemeen Ahusen worrn.
Inwahnertall
ännern| Johr | Inwahners |
|---|---|
| 1848[1] | 21 Lüüd, 3 Hüüs |
| 1. Dezember 1885[2] | 34 Lüüd, 5 Hüüs |
| 1. Dezember 1905[3] | 19 Lüüd, 4 Hüüs |
Religion
ännernBokel is evangeelsch-luthersch präägt un höört to dat Kaspel von de Marien-Kark in Ahusen.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
ännernVerkehr
ännernBokel is över lüttjere Straten anbunnen an de Kreisstraten K 205 un K 220. De K 205 löppt in’n Noordwesten över Hellweeg na Söttmer an de Bundsstraat 75. In’n Süüdoosten krüüzt se de B 215 un föhrt na Karkwals un Wittörp. De K 220 löppt von Ahusen in’n Süüdoosten na Ebersen un Westerwals. De B 215 geiht in’n Noordoosten na Rodenborg un in’n Süüdwesten na Veern.
De nächsten Autobahnen sünd de Autobahn 1 (Afsnidd Hamborg–Bremen) un de Autobahn 27 (Afsnidd Bremen–Wasra). De Opfohrt 51 Posthusen op de A 1 liggt so 13 Kilometer in’n Noordwesten von Bokel an de L 155 un de Opfohrt 25 Veern-Noord op de A 27 15 Kilometer in’n Süden an de B 215.
De nächsten Bahnhööv sünd an de Bahnlien Hamborg–Bremen. De Bahnhoff Rodenborg liggt twölv Kilometer in’n Noordoosten un de Bahnhoff Söttmer twölv Kilometer in’n Noordwesten. De Bahnhoff Langwedel an de Bahnlienen Wunsdörp–Bremen un Ülzen–Langwedel liggt 15 Kilometer in’n Süüdwesten. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Fröher hett dat ok op de Bahnhööv Westerwals un Ünnerst an de Bahnlien Veern–Rodenborg Personenverkehr geven. Disse Bahnhööv legen söss Kilometer in’n Süüdwesten un Noordwesten.
Footnoten
ännern- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
