Holbm (Geest)
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 19 km² | |
| Inwahners: | 840 (2022) | |
| Inwahnerdicht: | 44,2 Inwahners pro km² | |
| Postleettall: | 27308 | |
| Vörwahl: | 04230 | |
| Geograafsche Laag: | Koordinaten:52° 60′ N, 9° 18′ O52° 60′ N, 9° 18′ O | |
|
| ||
Holbm (hoochdüütsch Holtum) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln billt de Oort de polietsche Oortschop Holbm.
_IMG_3924.jpg)
To Holbm höört ok de lüttjeren Öörd Heidkroog un Weehoff mit to.
Geografie
ännernDe Oort liggt op de Achem-Veerner Geest. Dat Water ut dat Rebeed flütt in’n Süüdwesten na’n Halsbeek hen af un in’n Noordoosten över’n Eberser Beek na’n Ahuser Beek.
De Naveröörd sünd Bokel un Ahusen in’n Noorden, Ebersen, Westerwals un Weehoff in’n Noordoosten, Süderwals un Rahnhorst in’n Oosten, Kreepm un Brammer in’n Süüdoosten, Deelsen un Kerklinneln in’n Süden, Scharnhors un Wall in’n Süüdwesten, Schüülg’n, Doolbröch un Völkersen in’n Westen un Heidkroog un Spang in’n Noordwesten.
Historie
ännernHolbm kummt an’n 24. Mai 935 as Holthem toeerst in en Oorkunn vör, in de König Hinnerk I. de Kark in Hamborg un den Hambörger Arzbischop Unni bestätigt, dat de Eddelherr Willarius sien Besitt in negen Dörper bi Langwedel gegen Besitt von de Hambörger Kark tuuscht hett.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
Holbm is an’n 1. Juli 1972 mit de Gemeenreform in Neddersassen Deel von de Gemeen Kerklinnlen worrn un billt sietdem en Oortschop mit egen Oortsvörsteiher.
Inwahnertall
ännern| Johr | Inwahners |
|---|---|
| 1791[1] | 25 Füürsteden |
| 1812[2] | 242 |
| 1824[3] | 25 Füürsteden |
| 1848[4] | 346 Lüüd, 64 Hüüs |
| 1. Dezember 1871[5] | 400 Lüüd, 79 Hüüs |
| 1. Dezember 1885[6] | 378 Lüüd, 72 Hüüs |
| 1. Dezember 1905[7] | 401 Lüüd, 72 Hüüs |
| 1. Dezember 1910[8] | 457* |
| 1933[9] | 504* |
| 1939[9] | 485* |
- * tohoop mit Heidkroog un Weehoff
Religion
ännernHolbm is evangeelsch-luthersch präägt un höört to dat Kaspel von de Petrus-Kark in Kerklinneln. Bet 1999 hett de Oort noch to dat Kaspel von’n Doom in Veern tohöört.
För de Kathoolschen is de St.-Josef-Kark in Veern tostännig.
Oortsvörsteihers
ännern| Tied | Naam | Partei |
|---|---|---|
| 2001– | Helma Rippe | CDU |
Kultur
ännernVerenen
ännernSchüttensport warrt in’n Schüttenvereen Holbm dreven. De Sportvereen TSV Holbm is 1968 grünnt worrn un de Heimat- un Kulturvereen Holbm 2010.
Weertschop un Infrastruktur
ännernHolbm hett en egene freewillige Füürwehr, de 1937 grünnt worrn is.
Verkehr
ännernDör Holbm löppt de Kreisstraat 11, de in’n Süüdwesten na Wall an de Bundsstraat 215 ran geiht un in’n Noordoosten na Süderwals un Karkwals (dor in’n Landkreis Rodenborg as K 206). De B 215 löppt in’n Noordoosten na Rodenborg un in’n Süüdwesten över Daulsen na Veern un Dörbern. Von Holbm na Süden geiht de K 21 över Deelsen na Kerklinneln an de Landsstraat 171. En lüttjere Straat geiht in’n Noordwesten ok na Heidkroog an de B 215.
De nächste Autobahn is de Autobahn 27 (Afsnidd Bremen–Wasra). De Opfohrt 25 Veern-Noord liggt so söss Kilometer in’n Süüdwesten von Holbm an de B 215.
De nächste Bahnhoff is so bi negen Kilometer wied weg in’n Süüdwesten de Bahnhoff Langwedel an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Fröher harr Holbm ok en lütten Bahnhoff an de Bahnlien Veern–Rodenborg.
Scholen
ännernDe Kinner ut Holbm gaht na de Grundschool Wall. Fröher harr de Oort ok en egen Volksschool.
Literatur
ännern- H. Lübbers: Das Dorf Holtum (Geest). Menschen - Landschaft - Brauchtum Früher und heute., Gemeen Kerklinneln (Rutgever), 1991
- H. Lübbers: Das Dorf Holtum (Geest). Menschen - Landschaft - Brauchtum Früher und heute., 2 Bänn, Utwiedt Neeoplaag, Veern, 2008
- Erich Schwinge: Holtum (Geest) – damals und heute. 2016
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 113
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 296
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
- ↑ Inwahnertallen op gemeindeverzeichnis.de
- ↑ a b Inwahnertallen op verwaltungsgeschichte.de
Weblenken
ännern
Armsen | Bennbössel | Brouk | Heinz | Hogenabargen | Holbm | Kerklinneln | Kreepm | Kükenmoor | Lutten | Neernabargen | Odersen | Schepinkel | Zähln | Stemmen | Wetenmöhlen | Wittloh