Bredenbarg (Buschhusen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 13′ N, 8° 46′ O53° 13′ N, 8° 46′ O | |
|
| ||
Bredenbarg (hoochdüütsch Bredenberg) is en Hoff, de to dat Dörp Buschhusen in de Gemeen Oosterholt-Scharmbeek in’n Landkreis Oosterholt, Neddersassen, tohöört.
Geografie ännern
De Oort liggt op de Oosterholter Geest. Dat Water ut dat Rebeed flütt över de Wienbeek in de Hamm. In’n Süüdoosten liggt dat Naturschuulrebeed Borndaals von de Wienbeek. In’n Westen liggt dat Stoteler Holt.
De Naveröörd sünd Buschhusen un Halenbeek in’n Noordoosten, Barenwinkel in’n Oosten, Lintel un Settenbeek in’n Süüdoosten, Scharmbeekstotel un Vörscharmbeekstotel in’n Süden, Werschenreeg un Arv in’n Süüdwesten un Heilshoorn in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Buschhusen in’n Kanton Oosterholt höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Scharmbeek in’n Kanton Oosterholt.
De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en, grötteren Kreis Oosterholt tohoopgahn is.
De Oort weer von öllers Deel von de Gemeen Buschhusen, de an’n 1. Oktober 1936 Deel von de Gemeen Oosterholt-Scharmbeek worrn is.
Inwahnertall ännern
| Johr | Inwahners |
|---|---|
| 1791[1] | 1 Füürsteed |
| 1812[2] | 8 |
| 1824[3] | 1 Füürsteed |
| 1848[4] | 10 Lüüd, 1 Huus |
| 1. Dezember 1871[5] | 6 Lüüd, 1 Huus |
| 1. Dezember 1885[6] | 10 Lüüd, 1 Huus |
| 1. Dezember 1905[7] | 12 Lüüd, 1 Huus |
Religion ännern
Bredenbarg is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur ännern
Verkehr ännern
Bredenbarg liggt an en Siedenstraat von de Straat von Buschhusen na Scharmbeekstotel. In Buschhusen is düsse Straat anbunnen an de Landsstraat 149, de in’n Oosten in Oosterholt-Scharmbeek an de Bundsstraat 74 ran löppt un in’n Westen över Heilshoorn na Swonewebel. In Scharmbeekstotel is de Straat anbunnen an de Kreisstraat 3, de in’n Oosten ok an de B 74 ran föhrt un in’n Westen bi Stendörp an de L 135.
De Opfohrt 16 Bremen-Noord op de Autobahn 27/270 liggt so söven Kilometer in’n Süüdwesten von Bredenbarg an de B 74.
De nächsten Bahnhööv sünd so bi fiev Kilometer wied weg an de Bahnlien Bremen–Bremerhoben: in’n Oosten de Bahnhoff Oosterholt-Scharmbeek un in’n Süden de Bahnhoff Hu’e.
Scholen ännern
De Kinner von’n Hoff Bredenbarg gaht na de Grundschool Buschhusen.
Lüüd ännern
De Heimaatforscher Herbert Fittschen is 1922 op’n Hoff Bredenbarg boren. Dat weer de Öllernhoff von siene Moder.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 35
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 84
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 141