Settenbeek

Wapen/Flagg	Koort
Basisdaten
Bundsland: Neddersassen Landkreis: Oosterholt Gemeen: Oosterholt-Scharmbeek
Inwahners:
Postleettall:	27711
Vörwahl:	04791
Geograafsche Laag:	53° 13′ N, 8° 46′ O

Settenbeek (hoochdüütsch Settenbeck) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört polietsch al von öllers bi Scharmbeekstotel mit bi.

Geografie

De Oort liggt op de Oosterholter Geest, de mit’n Stoteler Barg bet op en Höögd von 32 m över de See reckt. Dat Water ut dat Rebeed flütt in’n Noorden na de Wienbeek hen af un in’n Süüdoosten över Gravens na de Hamm hen. In’n Noorden liggt dat Naturschuulrebeed Borndaals von de Wienbeek.

De Naveröörd sünd Lintel, Scharmbeek un Oosterholt in’n Noordoosten, Moorhusen un Nedderenn in’n Süüdoosten, Ruschkamp in’n Süden, Scharmbeekstotel in’n Süüdwesten, Vörscharmbeekstotel in’n Westen un Buschhusen mit Bredenbarg, Halenbeek, Barenwinkel un Gartel in’n Noordwesten.

Historie

Fröher hett dat in Settenbeek en Tegelee geven.

Verwaltungsgeschicht

De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

In dat 19. Johrhunnert weer de Oort Deel von de Buurschop Scharmbeekstotel. De Gemeen Scharmbeekstotel is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn. Binnen de Gemeen höört Settenbeek vondaag to de polietsche Oortschop Scharmbeekstotel.

Inwahnertall

Johr	Inwahners
1848-00-001848	36 Lüüd, 5 Hüüs
1871-12-011. Dezember 1871	84 Lüüd, 15 Hüüs
1885-12-011. Dezember 1885	86 Lüüd, 17 Hüüs

Religion

Settenbeek is evangeelsch-luthersch präägt un höört to dat Kaspel von de Fredenskark in Scharmbeekstotel. Bet 1994 hett de Oort noch to dat Kaspel von de Willehadi-Kark in Scharmbeek höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur

Verkehr

Dör Settenbeek löppt de Bundsstraat 74, de in’n Süüdwesten över Scharmbeekstotel un Hu’e na Bremen-Noord geiht un dor mit de Autobahn 27 verbunnen is un in de A 270 övergeiht. In’n Noordoosten geiht de B 74 över Oosterholt-Scharmbeek na Bremervöör.

De Opfohrt 16 Bremen-Noord op de Autobahn 27/270 liggt so söss Kilometer in’n Süüdwesten von Settenbeek.

De nächste Bahnhoff is so bi dree Kilometer wied weg in’n Noordoosten de Bahnhoff Oosterholt-Scharmbeek an de Bahnlien Bremen–Bremerhoben.

Scholen

De Kinner gaht op de Grundschool Scharmbeekstotel.

Lüüd

De Maler Hans Heinrich Bummerstedt is 1883 in Settenbeek boren.