Arv (Gemeen Hu’e)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27721 | |
| Vörwahl: | 0421 | |
| Geograafsche Laag: | Koordinaten:53° 13′ N, 8° 43′ O53° 13′ N, 8° 43′ O | |
|
| ||
Arv (hoochdüütsch Erve) is en Dörp in de Gemeen Hu’e in’n Landkreis Oosterholt, Neddersassen. Binnen de Gemeen höört de Oort to de Oortsdelen Stendörp (Groot Arv) un Werschenreeg (Lütt Arv).
Geografie ännern
De Oort liggt op de Oosterholter Geest. Dat Water ut dat Rebeed flütt över de Schönebeker Au af.
De Naveröörd sünd Heilshoorn in’n Noorden, Buschhusen in’n Noordoosten, Werschenreeg, Loog, Scharmbeekstotel un Leessemstotel in’n Süüdoosten, Ihlpohl in’n Süden, Stendörp in’n Süüdwesten, Habichthorst in’n Westen un Korbeck un Brundörp in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Werschenreeg in’n Kanton Hu’e höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hu’e in’n Kanton Oosterholt.
De Oort is von öllers opdeelt ween:
- Groot Arv hett vör 1852 to’n Bezirk Leessem von dat Gericht Leessem-Schönebeck tohöört un denn von 1852 bet 1859 to dat Amt Leessem. 1859 is dat Amt Leessem Deel von dat Amt Blomendal worrn, ut dat 1885 de Kreis Blomendal billt worrn is, de 1932 mit’n Kreis Oosterholt tohoopslaten worrn is.
- Lütt Arv hett bet 1848 to dat Gericht Hu’e höört. Düt Gericht is 1848 Deel von dat Amt Oosterholt worrn, ut dat 1885 wedder de Kreis Oosterholt worrn is.
Groot Arv weer fröher en egenstännige Gemeen, de 1928 an de Gemeen Stendörp kamen is.
An’n 1. März 1974 is de Gemeen Stendörp mit de Gemeenreform in Neddersassen Deel von de Gemeen Hu’e worrn. Ok Werschenreeg is an düssen Dag an de Gemeen Hu’e kamen.
Inwahnertall ännern
| Johr | Inwahners |
|---|---|
| 1791[1] | 16 Füürsteden |
| 1812[2] | 91 |
| 1824[3] | 16 Füürsteden |
Groot Arv:
| Johr | Inwahners |
|---|---|
| 1848[4] | 44 Lüüd, 5 Hüüs |
| 1. Dezember 1871[5] | 47 Lüüd, 5 Hüüs |
| 1. Dezember 1885[6] | 39 Lüüd, 5 Hüüs |
| 1. Dezember 1905[7] | 45 Lüüd, 6 Hüüs |
| 1. Dezember 1910[8] | 46 |
Lütt Arv:
| Johr | Inwahners |
|---|---|
| 1848[9] | 77 Lüüd, 13 Hüüs |
Religion ännern
Arv is evangeelsch-luthersch präägt un höört to de To’n-Hilligen-Krüüz-Kark in Werschenreeg. Bevör düsse Kark 1966 trech worrn is, hett de Oort to de Martin-Kark in Leessem höört.
För de Kathoolschen is de Hillige-Familie-Kark in Oosterholt-Scharmbeek tostännig.
Kultur ännern
En Denkmaal för de Fullenen ut de twee Weltkrieg’ ut Groot Arv steiht in Stendörp.[10]
Weertschop un Infrastruktur ännern
För Arv sünd de freewilligen Füürwehrn Stendörp un Leessemstotel-Werschenreeg mit tostännig.
Verkehr ännern
An Arv löppt de Landsstraat 135 langs, de in’n Noorden na Garlst, twüschen Hagen un Braamst dör un na Bremerhoben geiht un in’n Süden na Ihlpohl un dor an de Bundsstraat 74 ran. In’n Oosten geiht de Kreisstraat 3 na Scharmbeekstotel an de B 74. De B 74 föhrt in’n Noordoosten na Oosterholt-Scharmbeek, Hambargen, Gnarrenborg un Bremervöör.
De nächste Autobahn is de Autobahn 27 (Afsnidd Bremen–Bremerhoben). De Opfohrt 15 Ihlpohl liggt so dree Kilometer in’n Süden von Arv an de L 135.
De nächste Bahnhoff is so bi fiev Kilometer wied weg in’n Süüdoosten de Bahnhoff Hu’e an de Bahnlien Bremen–Bremerhoben.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 70
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 172
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
- ↑ Inwahnertallen op gemeindeverzeichnis.de
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
- ↑ Onlineprojekt Gefallenendenkmäler