Brooksen-Vilsen

Wapen/Flagg

Koort

Basisdaten

Bundsland: Neddersassen

Landkreis: Deefholt

Flach:

31,27 km²

Inwahners:

6.023 (2006-12-3131. Dezember 2006)

Inwahnerdicht:

192,6 Inwahners pro km²

44 m över de See

27305

04252

Koordinaten:52° 30′ N, 9° 0′ O52° 30′ N, 9° 0′ O

Grenzen bi OSM:

1461200

Öörd in de Gemeen:

2

Börgermeester:

Peter Schmitz

Websteed:

www.bruchhausen-vilsen.de

Brooksen-Vilsen is en Flecken in den Landkreis Deefholt in Neddersassen. De Flecken warrt vun den Staat as Luftkuroort gellen laten un höört mit to to de Samtgemeende Brooksen-Vilsen. De hoochdüütsche Naam is Bruchhausen-Vilsen.

Laag ännern

Brooksen-Vilsen liggt bi 30 km süüdlich vun Bremen, bi 100 km süüdwestlich vun Hamborg un bi 70 km noordwestlich vun Hannober.

Oortsdelen ännern

Na de Gemeende höört Brooksen-Vilsen un denn noch de Oortsdelen Berxen, Brookhöben, Brookmöhlen, Dillen, Geelbargen, Hillgenbarg, Homfelle, Nenndörp, Riethusen, Stapelshoorn un Wöpse mit to.

Historie ännern

Toeerst geev dat de dree Flecken Moor, Vilsen un Brooksen. De Naam „Brooksen“ steiht to’n eersten Mol to lesen in en Urkunn vun 1189. „Vilsen“ dükert dat eerste Mol in en Urkunn ut 1227 up. 1870 sünd Moor un Brooksen to de Gemeende Brooksen tohopenfaat wurrn. De beiden Flecken Brooksen un Vilsen sünd denn 1929 tohopenfaat wurrn to den Flecken Brooksen-Vilsen. Na de Reform vun de Verwaltung 1974 sitt in Brooksen-Vilsen de Verwaltung vun de Samtgemeende. Vun 1976 af an draff se sik denn Luftkuroort nömmen.

Politik ännern

Gemeenderaat ännern

Wahl vun’n 10. September 2006:

CDU - 9 Sitten
SPD/Gröön - 10 Sitten

Wapen ännern

Dat Wapen is spleten: Up de lunke Siet in Gold en swarte Baarnklau mit rode Krallen. Düsse Klau steiht liekup. Düsse Klau bedutt Kraft. Up de rechte Siet en blau-witt Krüüz. Dat dutt hen up dat vörmolige Klooster Hillgenbarg.

Wat los is un wat een sik ankieken kann ännern

Bowarken ännern

St.-Cyriakus-Kark: Platz vör de Kark

St.-Cyriakus-Kark: Toorn

Karken ännern

De Kark vun St. Cyriakus in Vilsen is boot in den Stil vun de Romanik. Se höör to dat Klooster Hillgenbarg to un ehr Naam is dat eerste Mol to lesen in en Urkunn ut dat Johr 1227. In Brooksen gifft dat de Bartholomäus-Kark.

Möhlen ännern

Kloostermöhl Hillgenbarg: Dat Klooster höör to den Oorden vun de Prämonstratensers to. Al in dat Johr 1370 geev dat düsse Möhö. 1543 sünd Klooster un Möhl an den Staat övergahn. 1986 is se wedder up Schick bröcht wurrn un siet den Umbo vun 1996 sünd dor nu en Hotel un en Gastweertschop in.
Watermöhl Brookmöhlen: Düt weer de ünnere Möhl vun dat Klooster Hillgenbarg. Se liggt en poor hunnert Meter vun de bövere Möhl af. Toeerst is in en Urkunn ut dat Johr 1532 wat vun ehr to lesen. 1749 is dor denn allerhand verännert un nee maakt wurrn. Vun 1886 af an höört de Möhl de Familie Hüneke to. Dat Waterrad is 1990/91 up Schick bröcht wurrn. Bit Vörjohr 1996 hen sünd dor jeden Dag 3 Tunnen Koorn in mahlt wurrn.

Parks ännern

Park Utsicht1

Park Utsicht2

In Brooksen-Vilsen gifft dat en Kurpark. He grenzt an dat Vilser Holt. Dor weer regelmatig Musikkunzerten geven. In düssen Park gifft dat en Gedenktafel ut Bronze to Ehren vun Dr. med. David Heinrich Hoppe. He is in Vilsen boren un hett mehr as 200 Aarten vun Planten to’n eersten Mol beschreven un jem ehren wetenschoplichen Naam geven. Ok en Straat hett sien Naam kregen.
Nich wiet af vun de Lüttbahn gifft dat vun 2007 af an en WaterBelevenSpeelplatz.

Natuur ännern

An’n Rand vun’n Kurpark un dicht dorbi bleiht vun Midde Juli bit Midde August en Masse vun wille Orchideen. Dor hannelt sik dat üm Epipactis helleborine bi, up düütsch „Breitblättrige Stendelwurz“.

Museumsiesenbahn ännern

De eerste düütsche Museumsiesenbahn föhrt vun 1966 af an na Fohrplaan in de Tiet vun Mai bit September mit ole Iesenbahnen vun Brooksen-Vilsen na Asendörp. Bedreven warrt de Bahn vun’n Düütschen Iesenbahn-Vereen. Kinner höögt sik besunners bi de Sünnerklaas-Fohrten an de Wekenennen in’n Advent. Bi 100 histoorsche Fohrtüüch un Utstellen to verscheden Themen ründ üm de Lüttbahn könnt an Bedrievsdagen ankeken weern.

Lok Hoya in’n Bahnhoff Brooksen-Vilsen
Personenwagen Nr. 4
Personenwagen Nr. 17 vun Binnen
Tog T 44 mit Wagen Nr. 2
Bahnhoff Brooksen-Vilsen (as he 2006 utseeg), een Bahnhoff, de vun de Verkehrsbedrieven Graafschop Hoya (Normalspoor) un vun de Museumsiesenbahn (Meterspoor) tohopen bedreven
Hollstopp „Vilser Holt"
De Bahn krüüzt de Homfeller Straat

Sport ännern

In de Gemeende gifft dat twee grote Sportverenen, dat sünd de SV Brooksen-Vilsen un de TV Brooksen-Vilsen. De SV is en reinen Footballvereen. Bi de Jugend hett de SV en Speelgemeenschop mit den TSV Mattfeld. Bi den TV gifft dat ganz verscheden Sportarten. He arbeit tohopen mit dat Gymnasium Brooksen-Vilsen.

http://www.svbv.de/ http://www.tv-bruchhausen-vilsen.de/

Weertschop un Verkehr ännern

Verkehr ännern

Spoorverkehr: Vun 1899 af an hett Brooksen-Vilsen en Bahnhoff an de Streck Eystrup-Hoya-Syke. Vun 1972 af an gifft dat hier bloß noch Warenverkehr. Bavenhen fohrt af un to histoorsche Loks un Tobringer för de Museumsiesenbahn. Tobringerverkehr gifft dat ok bi den „Brookser Hochtietsmarkt“. Dor is denn en Hollpunkt direktemang up’n Festplatz. Vun 2007 af an föhrt an jeden 1. un 4. Sönndag un an Fierdaag un to’n Hochtietsmarkt de Kaffkieker vun Syke na Eytrup un torüch. Hen un wenn geiht dat ok wedder na’n Hööftbahnhoff in Bremen. Up de Twiegstreck na Asendörp weert vun 1971 af an un keen Waren mehr bewegt. Siet 1966 föhrt dor avers de Museumsiesenbahn.

Straat

Brooksen-Vilsen liggt an de Bundsstraat 6, de na Bremen un Hannober hengeiht. Veel Pendlers fohrt dor jeden Dag up na de Arbeit.

Bus

De Bus Linie 150 föhrt vun Hoya na Bremen hen.

Fohrrad

De „Achtertour“ is en Radrundweg dör Eystrup- Hoya un Brooksen Vilsen, wo veel Lüde up unnerwegens sünd.

Ünnernehmen ännern

Hier sitt de Mineralwater-Bedriev VILSA-BRUNNEN
Ok de Middelwerserbahn is hier tohuse. Dor hannelt sik dat üm en Logistikünnernehmen för Iesenbahn bi.

Wat dat sunst noch gifft ännern

Freebad

In Brooksen-Vilsen gifft dat en Kurpark un en Freebad, wat een en beten öllerhaftig vörkamen kann.

Bildung ännern

Brooksen-Vilsen hett en Grundschool, Hööftschool, Realschool un en Gymnasium (bit to’n 10. Johrgang). Ok en Waldorfschool is dor to finnen.

Ansicht vun dat Gymnasium Brooksen-Vilsen

Söhns un Döchter vun de Gemeende ännern

Dr. med. David Heinrich Hoppe (* 15.12.1760 in [Brooksen-]Vilsen; + 1.8.1846 in Regensburg) weer en düütschen Dokter, Botaniker un Aftheker.
Otto Lüer (1865-1947), Architekt
Ludwig Rahlfs (1863-1950), Komponist vun dat Leed "Auf der Lüneburger Heide" u. a.
Otto Rodekohr, hett Vilsa-Brunnen grünnt

Sunst noch wat ännern

In de leste Week in’n August is de Brookser Hochtietsmarkt. Dor is allerhand bi los, so as de „Auktschoon vun de Jungkeerls“. An’n lesten Marktdag is Veehmarkt. Düsse Markt is in de ganze Gegend bekannt un is ungefähr so groot, as de beröhmte „Bremer Freemarkt“.

Kiek ok bi ännern

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Literatur ännern

Bruchhausen-Vilsen. In: Georg Dehio: Handbuch der Deutschen Kunstdenkmäler. Bremen Niedersachsen. München / Berlin 1992, S. 298 f.
Nancy Kratochwill-Gertich: Bruchhausen[-Vilsen]. In: Herbert Obenaus (Rutg. Tohopen mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen. Band 1 un 2 (1668 S.), Chöttingen 2005, Sieten 359-363

Weblenks ännern

Städer un Gemenen in den Landkreis Deefholt