Flecken
Flecken is de Naam, de besunners in Noorddüütschland för ene Minnerstadt bruukt warrt.
En Flecken liggt in de Midden vun de Dörper dor umto un is so wat as en Hööftstadt in'n unnersten Rang. He hett en poor Rechten, de de Stadt ok hett. Dat wichtigst dormank is dat Marktrecht. Bit 1885 harrn de Flecken in Neddersassen (dormols höör dat to Preußen to) to'n Deel en königlich Amt. In Sweden is de Naam för Flecken köpning, in Däänmark heet he handelsplads. Hüdigendags gifft dat Öörd mit den offiziellen Naam Flecken bloß noch in dree düütsche Bundslänner, dorto noch in de Swiez.
Neddersassen ännern
54 Gemeenden in Neddersassen hefft den Titel Flecken, dormank is Langwedel mit bi 14.500 Inwahners de gröttst. De lüttjest Flecken is Wiedensahl mit bi 1.000 Inwahners.
Sassen Anholt ännern
In Sassen-Anholt föhrt Apenburg, Calvörde, Diesdörp, Weferlingen den Naam Flecken.
Hessen ännern
Flecken in Hessen sünd de Marktflecken Villmar, bavenhen noch Mengerskirchen, Merenberg un Weilmünster.
Vörmalige Flecken in Sleswig-Holsteen ännern
As Sleswig-Holsteen in dat Johr 1866 vun Däänmark na Preußen keem, dor geev dat dor noch alltohopen 25 Flecken. Lütt bi lütt sünd de denn alltohopen to en Stadt böört wurrn. Annere kemen na 1920 wedder na Däänmark torüch. De leste Flecken, de to'n Stadt maakt wurrn is, weer 1934 de Flecken Arnis. Vun dat Johr an geev dat in Sleswig-Holsteen keen Flecken mehr.
Nich vu amtswegen warrt dat Woort Flecken ok noch bruukt in:
- Noordrhien-Westfalen: ü.a. Freudenberg, Bösingfeld
- Rhienland-Palz: ü.a. Katzenellenbogen
- Brannenborg: ü.a. Flecken Zechlin
Swiez ännern
Ok in de Swiez gifft dat Flecken, as Beromünster un Rothenburg in den Kanton Luzern