Bunn

Wapen/Flagg

Koort

Basisdaten

Bundsland: Neddersassen

Landkreis: Leer

Flach:

121 km²

Inwahners:

7.555 (30. Juni 2005)

Inwahnerdicht:

62,4 Inwahners pro km²

2 m över de See

26831

04953

Koordinaten:53° 11′ N, 7° 16′ O53° 11′ N, 7° 16′ O

Grenzen bi OSM:

1255784

Gemeenslötel:

03 4 57 024

Öörd in de Gemeen:

5

Börgermeester:

Gerald Sap (SPD)

Websteed:

www.gemeinde-bunde.de

De Gemeente Bunn (Hoogdüütsch Bunde) in d' Landkreis Leer, Neddersassen, liggt in d' Rheiderland in Oostfreesland, westelk van Leer, dicht bi de Dullert un de Grenz to de Nedderlannen.

Inwahners

De Gemeente Bunn hett 7.580 Inwahners (5. November-Maand 2004), in de Ortsdeelen:

Boen (461 Inwahners, meest Lü van d' Bueree)
Bunn (3.885 Inwahners)
Bunnerhee (598 Inwahners)
Dullert (1.285 Inwahners)
Wymeer (1.351 Inwahners)

Geografie

De Oort Bunn liggt boven up en Geest-Rügg, de van Süden na Noorden wiet in de Marsch un de Pollers löpt. Oostelk un südelk gift dat Hoogmooren.

De Flecken Bunn is en Dörp mit en Kark und en Siedeln, de de Verloop van de Geest in en Rieg folgen deit. Daar liggt ok dat Steenhus, en oll Burganlaag.

Wahrteken is de Windmöhlen van 1911. Sie is en van de gröttste Möhlen in heel Oostfreesland.

Verkehr

Dör de Gemeente Bunn fahrt de Iesenbahn up de Streek tüsken Leer un Grunneng. Dartoo gift dat de Bunnsstraat 436 (ok: Gröön Küstenstraat/E 22) un de Autobahnen A 31 un A 280. Bunn hett twee Tofahrten up de Autobahn; en direktemang an't Geschäfts-Rebeet Bunn-West an de nederlannske Grenz.

Politik

Seetupdeelen in d' Gemeenteraad siet de Wahl van 2001:

Buurmester 1 Seet
SPD - 14 Seeten
CDU - 6 Seeten

Buurmester is Gerald Sap (SPD).

Geschicht

Fröher was Bunn en Samtgemeente, man in dat Johr 2001 hebben sük de Leden-Gemeenten tosammen doon.

Bunn hörde bit an d' 31. Dezember 2004 to de Regeerensbezirk Werser-Eems, de denn bi en Verwaltensrefoorm uplöst wurr.

Gloov un Karken

In de Oort Bunn gift dat dree Karken. De ollste is de Kark van de evangeelsch-reformeerte Gemeente. Junger sünd de Karken van de Ollreformeerten Gemeente un van de luthersche Gemeente. Denn gift dat noch en reformeerte Kark in de Oortsdeel Wymeer un twee in de Oortsdeel Dullert, in de Dörpen Ditzmerverlaat un Landskappspoller. In Boen gift dat en Free Bibelgemeente sünner en Karkenboo.

Weblinks

Gemeente Bunn (hoochdüütsch)

Städer un Gemenen in’n Landkreis Leer