Christopher Coye (Chris Coye; * 16. April 1972 in Belize-Stadt) is en Avkaat un Politiker (PUP) ut Belize.

Coye is 1972 in Belize-Stadt boren.[1]

Coye hett Economics an de University of Texas at Austin studeert un dor 1994 en Master maakt.[1] Nadem he düt Studium afslaten harr, hett he Juristeree studeert un 1997 en Bachelor of Laws an de University of the West Indies un 1999 en Legal Education Certificate an de Norman Manley Law School in Mona (Jamaika) kregen.[2][1] 1999 is he in Belize as Avkaat tolaten worrn.[2] He hett toeerst bi de Morgan & Morgan Trust Corporation arbeidt, denn von 2000 bet 2005 in de Kanzlie Glenn D. Godfrey & Co. LLP (bi Glenn Godfrey) un von 2005 bet 2007 in de Kanzlie Coye & Co.[2] Siet 2007 praktizeert he tohoop mit Eamon Courtenay in de Kanzlie Courtenay Coye LLP in Belize-Stadt.[2]

Von 2004 bet 2005 weer he Präsident von’n Avkatenvereen von Belize (Bar Association of Belize).[2] Von 2005 bet 2012 weer he Vörsitter von’n Opsichtsraad von de Belize Bank.[2] För de People’s United Party (PUP) is he Schattmeester.

Na de Parlamentswahl in Belize 2020 is Coye von’n ne’en Premierminister Johnny Briceño in’n Senaat beropen worrn. An’n 16. November 2020 is Coye denn ok as Staatsminister in dat Ministerium för Finanzen insworen worrn (Kabinett Briceño I).

Footnoten ännern

  1. a b c Infos to Coye bi dat International Law Office
  2. a b c d e f Indrag to Coye bi Courtenay Coye LLP