Chromit

Chromit, Chromiesensteen oder Chromiesenierz is en Oxid-Mineral mit en Mengdenporportschoon Metall: Suerstoff vun 3:4, wat in dat kuubsche Kristallsystem kristalliseert un de cheemsch Tosamensetten FeCr₂O₄ opwiesen deit. Dat Mineral is vun bruunswarte Klöör mit en brune Streekklöör, en Mohshard vun 5,5 un en Dicht twüschen 4,1 un 5,1 g/cm³.

Chromit
Cheemsch Tohopensetten	FeCr2O4
Mineralklass	Oxid mit Metall to Suerstoff 3:4 4.BB.05 (na Strunz, 9. Oplaag) 07.02.03.03 (na Dana)
Kristallsystem	kuubsch
Klöör	bruunswart
Streekklöör	bruun
Mohshard	5,5
Dicht (g/cm³)	4,1 bit 5,1
Gleem	Metallgleem, Feetgleem
Transparenz	undörsichtig
Brook	uneven, musselig
Splitten	keen
Indruck	duuknackt
faken Kristallflachen
Tweeschenbilden
Kristalloptik
Breektall
Dubbelbreken (optisch Utrichten)
Pleochroismus
Winkel/Dispersion vun de optischen Assen	2vz ~
annere Egenschoppen
Phaaswesseln
Smöltpunkt
cheemsch Verhollen
lieke Mineralen	Spinell
Radioaktivität	nich radioaktiv
Magnetismus	nich magneetsch
sünnerlich Kennteken

Billen un Vörkamen

Tomeist kummt Chromit in massive oder körnige Form vör, roor ok in kristalline Form. Andrapen warrt dat faken in de Neeg vun olivinriek magmaatsch Stenen as Peridotit oder Serpentinit. Vun wegen sien vergliekswies hoge Dicht un Hard is dat teemlich bestännig gegen Verweddern un lagert sik dorüm ok geern as Sediment in Strööm af. Mitünner is dat in Schichten anriekert, so dat sik de bargmännsch Afbo vun'n Steen weertschopplich lohnen kann.

Gröttere Lagersteden sünd in'n Ural in Russland to finnen un ok in Süüdafrika in'n Transvaal.

Verwennen

Chromit hett en Chrom-Andeel vun 73% un is dorüm mit Afstand de bedüdenste Born för dit Metall, wat tohopen mit t. B. Nickel insett warrt, üm Stahl hard to maken.